أعرف شخصيتك من نوع سيارتك

[imported_رقيق المشاعر]

سلااااااام...

كيفكم شباب إنشاء الله بخير.؟؟؟:

المهم موضوع اليوم إعرف شخصيتك من نوع سيارتك هذا إذا معاك...
يلااااا نبدأ....

كابرس شخص شديد و شعبي و تحب الفزعة و لا تحب الميوعة

كريسيدا مهبول و حق فرفشة و سعة صدر لكنك مخفة

مكسيما طايش و متهور تظن أن معك فيراري عشان كذا دايما داعس على البنزين للآخر

ألتيما نويعم دايم تمشط شعرك عند الإشارات

هوندا اكورد مصدق نفسك أن سيارتك شخصية

بي أم دبليو ياهووووووووه من قدك

كادليك تفرح بالمطبات عشان تطامر

ددسن تحسب أن أسمك هيثم و ودك تشرب كابتشينو دايم

لنكون شعرك عرادة و تحب المعسل

فياقرا ولد نعمة و شايف نفسك لكن أنصحك لا تجاكر اللي معهم كوابرس تراهم ما يرحمون

سني خفيف وزن و عقل في نفس الوقت

بيوك عندك كرشة تروع

بنوفيل دمك ثقيل و وزنك اثقل

لاند كروزر فنان تطعيس بس الأخلاق تجارية

رنج روفر الله يخلف عليك

هوندا سيفيك مشغل نفسك كل يوم تغسلها و تلمعها

اس تي اس كل يوم رايح للوكالة عشان يا تصلح يا تسوي لها صيانة

سفاري تحب الطواقي الزري و الدخان

سوبربان تجمع عرابجة حارتكم عشان تدورون وتزعجون خلق الله

كورولا أكبر ما فيك رأسك و مع ذلك ما تستخدمه

سوبارو رياضي و تحب المشاكل

سدرك موسوس و بخيل

زد قديم وماأحد معطيك وجة

موستنق تظن إن الناس تناظر و هي معجبة مع أنها في الحقيقة تشفق عليك

جاكور مسوي فيها أوروبي و أنت ما في راسك

بيجو فاهم الدنيا غلط

جمس صحن عصبي و مرجوج وتقدر اللجج و قمة سعادتك أنك تحدد خلق الله

كامري مشبوة ودايم يمسكونك في نقاط التفتيش

لكزس 430 دايم مهدي و راز خشمك بس في النهاية ما معك إلا تيوتا

أودي شكلك شخصية و ثقيل بس لين تكلمت خربت الشغلة كلها

تيرسل تحب تفرفر بين السيارات و تزعج الناس بالبواري

ميركوري شايف نفسك و مغرور

كراون حبيب و هادي

كرايسلر غثيث و بثر

انفنتي رسمي مهتم بشكلك أكثر من عقلك

كابرس أس أس خفيف دم و مجلسك ما ينمل منه

جيب شروكي مجنوووووووووووون بر و سوالف

هوندا ليقند تحب تقزقز و تتلفت على خلق الله

سزوكي تحب تدور عند المدارس

ايسوزو مكروه من قبل الناس لأنك ببساطة كتمت أنفاسهم بالديزل

لكزس 300 أنيق و جذاب

كراون فكتوريا مجنون كورة و تحب الفصفص

هونداي مزعج خلق الله بالمسجل ...كن محد عنده مسجل غيرك

لومينا وش حليلك بس المشكلة أنك متعصب بزيادة لناديك شبح مشخص رغم أنها راحت عليك

[imported_النجم الساطع]

كابرس شخص شديد و شعبي و تحب الفزعة و لا تحب الميوعة

ادعس يا راعي الكابريس هيهيهاي بس ما قلت وش نوووعه هيهيهيهاي
الله يعطيك الف عافية على الطرح الرائع والمميز في انتظار جديدك بكل شوق

[شيخه الزين]

فياقرا ولد نعمة و شايف نفسك لكن أنصحك لا تجاكر اللي معهم كوابرس تراهم ما يرحمون


بس بدال ولد بنت ..

النجم الساطع تراني مؤدبه وبحالي ولا احب اجاكر احد ..
لووووول شكلي معدني براكبه سيارتي بحول على سياره اختي ..

[imported_النجم الساطع]

ههههههههههههههههاي
اهم شي انتبهي من اصحاب الكابرس هههههههههههههههههاي

كابرس أس أس خفيف دم و مجلسك ما ينمل منه وبعد لا تجاكره عشان ما تتفشل هيهيههيهياي

[شيخه الزين]

المشاركة الأصلية كتبت بواسطة النجم الساطع

ههههههههههههههههاي
اهم شي انتبهي من اصحاب الكابرس هههههههههههههههههاي

كابرس أس أس خفيف دم و مجلسك ما ينمل منه وبعد لا تجاكره عشان ما تتفشل هيهيههيهياي

لالا اذا عني لا تخاف انا بحال سبيلي بس لحد يتعرض لي ..
<< مؤدبه ما تجاكر احد ,, بس خليكم بعيد