رسائل من أعماقي

[أميره]

هنالك العديد من الرسائل حفرت بأعماقنا
تاركة خلفها الكثير من الحزن والأسى
وددت أن أضعها بين أيديكم آملاً أن تحوز على رضاكم

•
•
•

تعال ووقع بجرحك أنا قلبي كتاب جروح
ما يهمك ترى غيرك جرحني ما افتكر فيني
زوايا القلب تتألم وشرخ في الحنايا ينوح
وعبره تخنق إحساسه ودمع راجف بـعيني
زمن فيه الوفا ولى وسيف الغدر به مسموح
يسله من هوى ذاته ويهوى بس يشـقيـني

•
•
•

علميني !؟
لاسألني الشوق ويني !؟
تسأليني ‍‍!؟
أنت وين ؟
واسمعيني ‍!؟
لاصرخ هالجرح فيني !؟
وأسأليني !؟
يعني وين ؟
يعني وين !؟
في دهاليز التعب !
في ممرات الهموم !
عند ركنك يالضياع !
عند بيتك يالحنين !
وتسأليني !
يعني وين؟!!

•
•
•

الموت أحتضن روحي ونفسي من يعزيها
أنادي والكفن بيدي على تشييع جثماني
رغم هذا تذكر وصيه طالبك فيها
تجي بيدك تكفني وبعدما أموت تنساني
سموحه ياسبب ماصار عيونك لاتبكيها
أنا كلي فدى دمع تهلينه على شاني

•
•
•

جيتــك "بقايا حــي" كل اكثرهـ مات ..
وصلت لك بـ اخر رمــق من حياتـي ..
جيتــك خوي الخوف في رحلهـ الــذات ..
بين الرجــا .. وظروفي القاسيـــاتـي ..
جيتك من الفرقا كثير التلفّــــــات ..
جيت انتحر في نجلك الناعــســــاتي
جيتك مزيــج جروح ودموع وآهـات
نديم لــ عيون الاسف والشمــاتــي
جيتك شظايــا تشتعل شوق بــ سكات
ما ادري حزن مدري سعــادهـ سكاتي
جيت استظلك من شــموس المتاهـــات
عيت تظللني تحتهـــا عباتـــــي
وابـي... أتعافـى عقب عذاب المعانــاة
على أرصفة اشواقـــك الدافيــاتي ..

•
•
•

كنت اتقاسم كل الاحزان وياك
رضيت معك بكل هم ورضيتك
واليوم يوم احتجت لك صرت ما القاك
وانا احسبك عندي متى ما بغيـــتك

•
•
•

فقير الحظ مـن مثلـي يعانـي لوعـة الأيـام
ولا له بالهوى فرصه يحقـق أصغـر احلامـه
أنا تاهت بي الدنيـا وتاهـت فينـي الأوهـام
وقلبي كم شكى حظه وفكـري يشكـي اوهامـه
بلا حاضر ولا ماضـي ولا حتـى أمـل قـدام
جفتني فرحة الدنيا وعمـري ذبلـت اعوامـه
أنا يائس .. أنا بائس .. أنا كتلـه مـن الآلام
فراغ العاطفـه والحـب يزيـد بقلبـي آلامـه
أنا باقي " حطام انسان " يحـس بلحظـة الإعـدام
يعد اليوم عقب اليوم إلى من لحظـة اعدامـه
تساوت عندي الدنيا وصارت في حجم الإبهـام
ظلام و " حزن " يكسيني وحظي ويـل مـن لامـه
أنا مالي أمل في حب ولا حتـى مـع الأحـلام
أنا مجموعه من الهم وفـارس أعلـن ختامـه
بسلّم سيفي ودرعـي واكسّـر باقـي الأقـلام
وبـ احرق كل أشعاري وذكـري باطـوي أيامـه
أبـ اطوي صفحة الماضي على كف القدر وانهام
يكفّينـي ألـم كافـي وفكـري مـل بـ هيـامـه
حرام الجفن ما غمّض قضى عمري وأنا ما نام
عرضت القلب للـ عشّـاق ولكـن ماحـدٍ سامـه
أبـ ارحل آخر الدنيا مادام الحـظ لـي مـا قـام
ترى موتي بـ يكون أرحم من الهاجس واجرامـه
وبـ اطلب ربي التوبه وبـ ادعـي الواحـد العـلاّم
يهـوّن كربتـي ويغفـر لعبـدٍ كثـرت آثامـه ..

•
•
•

أعيش العمر من عقبك وحيـــده
واردد لك صدى صوت القصيــده
الا يا مبعد عني مهاجــر
دموعي آخر علومي الجديـده
اسافر وابتعد عنك والاقـي
رماد الشك للخافق حصيـده

•
•
•

الا يــ الليل من مثلي كتـم بركان في صدرهـ ..؟!
وصـارت عـبرته تنفيـّـس لامن ثار بركـــانـهـ ..
ولاحدن راف بـ أحواله يعاني من صغــر عمرهـ
وهو يحسب سبب ضعفه صغر سنه وميـــزااانهـ
ويوم انه كبر يــ الليل صارت ضحكتـه " حسـرهـ "
كما الطفل اليتيم اللي ربــى في وسط عدوااانـهـ
قضى عمرهـ وهو يهدي لـ من هـو قابلـه زهـرهـ
ويحرم نفسه الحاجه يسـدد حاجـة اخوااانـهـ
رحوم يسامح المخطي حليم وطال بـه صبـرهـ
شجاع وقـدرهـ الدنيـا تفـرق كـل خلااانـهـ
بـ وسط الواقع الظالم يعيـش وتنقصـه خبـرهـ
وتدفعـه الريـاح ولايفيـدهـ طـول جنحااانـهـ
واذا مرت به الذكرى على ماجاهـ مـن دهـرهـ
تحطم وارتعد جسمه ويعجـز ينطـق لسااانـهـ
الايامن يخفـف عنـي اللـي سابقن ذكـرهـ
ويشفي قلبي المرضـان غيـر الله سبحااانـهـ
الا يالله " متّعنـي " قـبـل لامــوت لو نـظـرهـ
واشوف الفرح بـ عيوني ودمعي فارق اوجااانــــه .. !

•
•
•

دمتم بكل الود