مسجات × مسجات (ذكرى ،مدح،..........)

[أميره]

{ مسجات الصباح و المساء }

* حبيت أسبق سكان هالكون .. و أقول حق أحلى ما في الكون .. صباح الخير يا عمري

* أصبحك بالورد و ألوانه ... و أحبك بقلب إنت عنوانه ... و أغليك بروح لك ولهانة

* صباح الورد يا غالي كثر ما جيت في بالي .. أحبك لو بعدت عني .. أحبك يا بعد حالي

* أهديك وردة ياسمين لونها لون قلبك .. تصبح عليك و تقول ياعسى الخير دربك

* لك سلام قبل المنام و لك طيور تغرد ما تنام و تقول تصبح على أحلى الأحلام

* مساء الشوق يإللي من العسل أصفى و لو بيدي علاج الناس لأخلي شوفتك وصفه

* بغيت أرسل سلام و شعور القلب و إحساسه .. مساء الورد ما تكفي ! يا عطر الورد و أنفاسه

* مساء الغلا و كلمة هلا .. مساء الورد و عظيم الود .. مساء الشوق يا كامل الذوق

* مساء العود و أطيابه .. لأهل الخير و أحبابه .. لمنهو نذكره دايم في حضوره و غيابه

* مساء خاص مو حق أي ناس .. ناس أغلى من الألماس .. رهيفين القلب و الإحساس

* إنت يمكن تنام و تترك الدنيا وراك .. بس آنا لما أنام يبتدي حلمي معاك



{ مسجات المدح }
* الجمال إللي تكمل بالحيا فيها يذوب ،،، بكتفي لو قلت عنها بالحسن حسن بدويه

* الطيب أساسك و الفخر للي يماشيك ، و الذوق شخصك ، و يا سعد من هو يخاويك

* أدور فيك عن عذروب و لا بانت عذاريبك ... كريم و صادق و محبوب و زود الطيب عذروبك ..!

* وشلون أبكتب و الشعر من هيبتك يخشاك ،،، تراك إنت الوحيد إللي يذل الشعر و يهينه

* بعض البشر بنظرته ياخذ القلب ،،، وش عاد لا زاد الحلا في كلامه !!

* مو غريبه من غلاك تنتحر نجمه وتطيح ! الله أكبر لا ضحكت تبرد الشمس و تسيح

* لو كانت الدنيا تثمن بالأصحاب .. وش هو ثمن دنيا عرفناك فيها



{ مسجات الحب }
* الهوى ما يقبل أنصاف الحلول ،،، يا نصير .. أو يا حبيبي ما نصير

* إنتظرته و قلبي إحساسه يقول ،،، صوت خلي اليوم ما أظن أسمعه

* شفت الحطب لظمته لهفت النار ،،، هذاك آنا كلي حطب و إنت ناري

* عسى الزمان إللي جمعنا على الطيب ،،، يبقى على طيبه و نبقى حبايب

* أخاوي الوافين مثلك و شرواك ،،، و إلا ترى مالي بالأنذال حاجه

* ما يحببني بقلبك يا الحبيبة إلا فضوله ،،، و ما ينسيني غرامك غير تكرار المصايب

* يا ليت مثلك بالخلايق ملايين !!! لكن حلاة الشي نادر وجوده ..!!

* كيف أناديك بكلمة "عمري" و العمر فاني .. إنت غير الناس عندي و لك غلا ثاني !!!

* أحبك لو يموت الحب و تصير القلوب قبور أشوف الحب هو موتي و أشوفك إنت تابوتي

* إن كان المعزة تبني بقلوبنا دار ..! إعرف ترى لك داخل القلب ديره ..!!!

* يمكن أنا بقلبك مالي مكان .. بس وش حيلتي يوم إنك في قلبي أغلى إنسان

* تمنيت البشر مثلك و أثاري ما بهم شرواك أنا أحط البشر في عين و إنت بعين تكفيني

* هذي حياتي إبتدت و أشرقت شمس .. دامي كسبتك نور أنا فيك مغرور

* ما أقول أنسى عيون الناس على شانك ... أقول أنسى جميع الناس لعيونك

* لا تلوم إللي يحبك باع عمره و إشتراك ذنبه الأول يحبك و ذنبه الثاني غلاك

* ما يهمني أي شي حتى لو عمري يفوت .. بس خايف و أنا حي إني في قلبك أموت

* أنا أسأل الليالي وش رد الوفا ..؟؟ لصار خلي بالعطا أصبح بخيل ..!!

* يسإلوني وش يبقالي لو فقدتك ..!! قلت أبسألكم : هو بعد الروح يبقى بقايا !!

* إن مد الله في عمري و طالت عشرتي وياك أوعدك تشوف بعينك وش هو معنى "غلاك"

* الدنيا علمتني من تحبه لا تبين له غلاه !! إلا إنت ما قويت أخفي عليك الغلا ؟!

* أخاف أتعود عليك و ما أنام إلا بين يديك و أحبك و أموت فيك و بالآخر تقول ما أبيك

* هني من معاك سولف .. هني من قعد يمك .. يغرق في بحر عينك .. و لو زاد الوله لمك

* أحدن ينام و عنده إللي يضمه ... و أحدن ينام ما لقى من يغطيه

* تموت بعيوني قلوب ومواليف .. و تبقى رفيق الروح حتى وفاتي ..

* على رشفة أمل ضامي أبي نغمة هلا بشفاك أبي أغرق إلين أغرق و أذوب بموج أحضانك

* إن كان غيرك تبتسم له شفاياي ،، إنت عروق القلب تضحك لشوفك

* شخص عطاني وده أبد ماني بناسيه ،، و من شرى ودي أنا دايم الدوم شاريه

* الله يديم المحبة .. و يديم حبك لنا .. و نصير أحلى ثلاثة .. الحب و إنت و أنا ..

* عمري لو هديته لك "ما أضن تعرف غلاك" أحلف إني أحبك "و أشتري بروحي" "رضاك"

* ما نسيتك بس تعمدت نسيانك بأشوفك .. تسأل علي !! أو ما يهمك غيابي

* لو نسى المهموم همه أو تنكر طفل لأمه ما ينساك قلب حبك و جرى حبك وسط دمه

* لو عيوني .. تنطق .. حروف و كلام .. كان قالت .. إنك أغلى من .. نظرها ..

* أنا الغلا !! و أكثر من النفس مغليك ..
أنا الوفا !! رغم الجفا جيت شاريك ..
أنا السهر !! لا نمت عيني تراعيك ..
أنا الذي !! لا ضاق صدرك يسليك ..
أنا غرامك !! بس في صورة إنسان ..
أبختصرها و أعترف جيت هاويك ..

* ياليت ربي خالق القلب شفاف حتى تشوف وش موقعك فيه

* أحلف بإللي خلق آدم قدرك يساوي عيوني لو عطوني ملك هالعالم فيك ما يعوضني

* لك .. من صميم الروح .. ميزه عن الغير .. و لك .. في خفوقي .. من الوله شي ثاني .. القلب يحمل لك .. ميزه و تقدير .. و العين تعشق .. شوفتك لو ثواني .. و الروح عندك .. عايفه عالم كبير .. ماهو بيدي .. لا صار غلاك هو كياني

* قبل إتصالك تجي لهاتفي حاله .. يهتز لو ميزة الهزاز ملغيه .. يتنهد من الفرح و يسوق مواله .. و تظهر على شاشته ألعاب ناريه .. غلطان من يعرفك و يصك جواله .. مفروض تحسب عليه رسوم إضافيه ..

* من يقول إن الغلا حده حدود .. و من يقول إن الهوى جامل أحد .. جيتك بالوعد ياأحلى الوعود .. جيت بالشوق و اللهفه بعد .. بأنثر حروفي على أرضك ورود ..و بأفتخر إني .. أخاويك للأبد ..

* من طيب أصلك و وصلك ضاقت المعاني .. تمنيت الناس مثلك و كانت أصعب الأماني

* إن كان أنا من كثر حبه طحت مشلول !! خذوا الدوى من ريقه و إدهنوني .. و إن كان أنا من كثر حبه صرت مقتول !! وصيتي في ثوبه كفنوني .. و إن جاكم لا تدفنوني على طول !!قولوا له ( إنت السبب ) و إدفنوني..



{ مسجات الغيره }

* لا تلومني ترى من زود حبي لك ،،، خلاني أغار حتى من نفسي عليك

* حس فيني نار الغيرة إحرقت يوفي ،،، مدري أبكي و إلا أصيح بعالي الصوت

* من تحداني في غلاك ؟ أقبل تحديه ! و من يشاركني حبك من الأرض أمحيه !!



{ مسجات الشوق }
* دام شوفك ياهوى بالي صعيب ،،، العوض في صوتك إللي نسمعه

* حاولت أجاري حرقت الشوق و أسكت ، لكن فضحني صمتي إللي كتبلك مشتاق مشتاق

* مدري .. غلا .. و إلا وله .. و إلا محبه .. لا شفت رقمك غصب عني تبسمت ..

* ترى و الله لك وحشه و قلبي فيك أحرجني لقيته شايل عفشه و جاك يقول إلحقني

* أنا عمري بقايا شمع أحرقني الأسى و الشوق إذا ما فيك ترحمني إحرق ما بقى مني

* وصل همسك مدى قلبي دعاني الشوق ولبيته فدى عيونك أنا أرسل يا أغلى شخص حبيته

* هزني الشوق وقلت أرسل رسالة ... عسى قلبه يحن و أجي شوي على باله ...

* مبطي و أنا لك يا أبيض القلب مشتاق ... شوق العمي لمشاهد الكون ساعة ...

* تشتت بالفكر عقلي .. تحيرت و نفذ صبري .. نهيت الشوق لا يرحل .. و عيا لا يطاوعني حبسته داخل ضلوعي منعته في قفص صدري .. قهرني و كسر ضلوعي .. تجاوزها و تجاوزني .. يعاندني و يحرجني .. و دايم ما يطيع أمري .. إذا قرر يجي يمك !! يروح و ما يشاورني

* مشتاق صدقني لعطفك و راجيك .. ( أرجوك ) .. لا تكسر عيوني بفرقاك .. رغبة طفل كلي يحبك و يغليك .. كنك حنان الأم و الجنه .. رضاك .. يا شيخ ما هو هين .. أنسى و أخليك .. يلعن أبو العشره إذا القلب ينساك ..

* ليت أخسر عيوني و لا أعيش بالنظر ممنون يقولون أعمى و لا يقولون من شوفتك محروم

* ودي بشوفك لكن الوقت ما طاع !! حكم الظروف و مالنا حيله..

* دورت له كلام أعبر فيه عن إحساسي ما لقيت إلا ( مشتاق ) أرسلها مع أنفاسي

* وقف و قلي .. من قتل فيك الأشواق .. و خلاك تنسى حب حطم كياني .. تبفى عزيز و جرحك إللي بالأعماق .. ذكرى عزيزه من حبيب كواني .. أشتاق لك وقت مضى و أرجع أشتاق .. و اقول معقوله حبيبي نساني ؟؟



{ مسجات زعل و حزن }

* أنا مزاجي و أطيع إللي يطاوعني ،،، و إن كان لي خلق أمررها..أمررها

* أبعتذر عن كل شي إلا الهوى مال الهوى عندي عذر ..

* ما كل من يضحك مع الناس مبسوط ،،، يا كثر من يضحك و نفسه حزينة

* أضحك مع الناس و أبكي مع نفسي ،،، و أمشي بلا إحساس محدٍ درى عني

* مصدر حياتي عزتي و إعذريني ،،، مقدر أواصل بالهوى حاني الراس

* أنا ما أمشي ورى غيرك و لو إنه يطق الباب ...
و ترى عيبٍ عليْ أطعن و لو كثرت سكاكيني ...

* طلبتك لاتخلي ضايق الصدر بالحاله .. تراني على حد القهر لا تخليني..

* دامك عزيز و لا يساويك (مخلوق) ،، سيف ! الغلى طالبك لا تسله ؟!

* هي أجمل الكلمات قلها كلما ضج الفؤاد و ضاقت الأزمان .. ( لا إله إلا الله )

* عودتني ما أزعل عليك بحياتي .. و إن الزعل مرفوض ما بين الأحباب

* بأشتري ضحكة شفاتك بألف دمعه من عيوني .. و بحتوي حزنك و لو ضاعت كل سنيني

* قلت أبكتب لك رسالة كلها لوم وعتب و يوم أنهيت الرسالة غير أحبك ما إنكتب

* مصير جروحنا تذبل قصر هالوقت أو طالي .. بس خوفي صياحها يحيي جروح ميته فيني ..

* ضايق و أشوف الحال ما هوب ينطاق .. لا الأرض تاسعني .. و لا الجو جوي

* طبعك معي موجب ولي طبع موجب .. أشبهك و أقطاب التشابه تنافر

* شرب على غير الضما يجرح الكبد ..!! و حب على غير المودة خسارة

* بعد الخيانة إنتهت رغبتي فيك .. و إن كنت تذكرنا ترانا نسيناك

* أبرحل و الطريق إللي يودي ما يرجعني يبي يغنيني الله عن هوى حبك و طاريه.. لا ذكرى و لا طاري تجيبك عندي بعد اليوم نسيتك مالك بقلبي لا ذكرى و لا طاري

* أبشرك ما عاد يوجعني فراق .. و أقسى ( وجع ) فيني يزول بثواني .. عودت قلبي لا حمل هم أو ضاق .. أرمي و لا أسأل عن إللي رماني .. و عودت نفسي "للمتاهات" ما أنساق .. و لا اسيل دمع عيني و اعاني ..

* لا ضاق صدرك لا تلتفت و تحتار .. لك صاحبن يكسر عظام (المصيبه)

* لا تحسبك لا أخطيت أضعف و أراضيك .. أحط ( أنا ) قمت غرورك ورايا ..

* أنا عندي بهالدنيا قناعه ألم جرحي و لا أطلب شفاعه .. و لا أشكي و دمعي عيب علي أهله

* نصيحه : إترك حبيب في عذابه يبكيك ..حبه و شوفه و إتصاله(مزاجي)

* في جيتك لي ترى ما تحرك أشجاني ..!! لا يفز قلبي و لا تشتاق لك عيني

* ما دمنا أحباب و الأعذار مقبوله .. الزله إللي تجي من بيننا عادي

* إذا رجلك بدت تمشي بدرب الصد و النسيان سلامة رجلك الحلوه أبنسى قبل تنساني

* أنا جريح الأمس و اليوم و الغد .. و هذي جروح العمر أحصي عددها .. لقيت أنا الدنيا ترى ملعنت جد .. فيها الكلاب السود تاكل أسدها ..



{ مسجات الذكرى }

* دايم الذكرى لها طبعٍٍ غريب ،،، تاخذ الفرحة و تعطيك العذاب

* خوفي أكون ذكرى يمحيها العمر أو رسالة تبتدي بكلمة حبيبي و تنتهي بكلمة شكر

* الذكرى شي ماضي .. و الماضي شي جميل .. فتذكرني بقلب راضي .. فالرضى طبع الأصيل



{ مسجات الفراق }
* يا إللي تلوم القلب بفراق غاليه ... جعلك بدنيا الحب تاخذ نصيبي

* إليا جفاك إللي من الناس تغليه ،،، خله فلا بد الليالي تجيبه

* خبروه إني على وصله حييت ،،، و إن تفارقنا ترى موتي دنى

* منسى ربعي و لو الزمن يقسى ،،، لكنهم صاروا أقسى من الزمن و نسوني

* ما عاد باقي لي من الناس غير إنت ،،، و حسرتي كان إنت عني تخليت

* تبكي عيوني على فرقا مثلكم غالين ... لعنبو جد الغلا كيف عقب العز بكاني

* إن كان قصدك على فرقاك تلوعني ... عشرات مثلك طواهم ليل نسياني

* عودتني دنيتي من أحبه يختفي لكن أنا من عادتي من أعرفه ما يتنسي

* أحس إني بلا صوتك مثل ديره بليا ناس .. تخيل كيف يعيش إنسان في وحشة شوارعها

* "تغلى" بس على هونك تراني بالغلا تعبان أعاني لوعة غيابك و قلبي حيل مشقيني

* تبيني أصبر عن غيابك لا غبت !! عطني مثل قلبك و أسوي سواتك !!

* أبكي و أنادي ليه قطع المواصيل .. متى على الله ساعه الوصل تاتي .. يا دمعتي لا تطلبين المناديل .. تكفين يا عيوني من الدمع هاتي .. وينه ونيس الصبح و العصر و الليل .. في غيبته غابت جميع أمنياتي ..

* ما هوب أنا إللي للعزيزين نساي .. يروح عمري و الخوي ما نسيته ..

* عسى حكم القدر يرفق بقلب ما بغى فرقاك و عسى الأيام تجمعنا و أحطك داخل عيوني

* "باصبر" على فرقاك و إن عشت محروم !! "يكفي" خيالك سبه في سروري !! حتى إنت لا تشتاق لا منت ملزوم !! أدري بحياتك " منتهي" كل "دوري"!! ما كان لي وياك بالحب مقسوم !! بس "أعترف" ( لازلت ) عيني و نوري

* أغيب !! و آخذ لي مع الوقت وقفات .. ورغم الغياب حبكم ما نكرته




منقول

[basharamer]

مسجات جميله

شـكــ وبارك الله فيك ـــرا لك ... لك مني أجمل تحية .

والسلام عليكم