مسجات و مسجات ومسجات

[أميره]

هارب من التفكير ياناس هارب
أمشي مسافاتي على هم وجراح
مالي مع الفرحه رصيد وتجارب
هاذي حياتي مابقى شي ماراح
حملي كبير وشايله وسط قارب
والموج عالي والبحر دوم ذباح



لأنك كاذبه بالحب أساساً ليه أنا أبكيك؟؟
حرام الدمع من عيني يطب القاع من شانك
مثل ماطاعني قلبي تراه مقررٍ يجفيك
ومثل ماخنتي دروبه تراه اليوم هو خانك
لعبتي مابه كفايه قتلتي حبنا بأيديك
معاك خذيه لاتنسين دامه مات بأحضانك



رسمت لجيتك رسم محد قبلي رسم زيه
متى بتجين وتشوفين بعيونك عظيم الرسم
أنا لك عاشق قبل ألمس إيديك بأيديّــه
أنا بك مغرم هايم قبل لاأذوق لك مبسم
تعالي مابقى باقي أحس أنه بقى ليّــه
عسى الشوفه ليّا جيتي تبدد عمري المظلم



اللهفه اللي بي وكثر المشاوير
وشوقي وأحساسي وحبي دفعني
أنا أحترق بالشوق وإنت خبر خير
لوأشتكي للصخر والله سمعني
حلل أحاسيسي وعطني تقارير
هاذي العلاقه بذمتك وش تعني؟؟



هذا وجودي مرتبط في وجودك
موتي وحياتي في يدينك آمرها
أنا أسير في هواك وقيودك
قرب ترى فرقاك روحي دمرها
أنا حلالك لو تجاوز حدودك
أطلب مدام الروح سيلك غمرها



مالك بقايا شي داخل عيوني
ماعدت تستاهل عذابي لشوفتك
ماعدت تستاهل سحابة جفوني
ماعدت انا اللي ماشيه وفق رغبتك
تشابهت كل الجروح بعيونـــــــي
ماعاد أشوف أية مشاعر لبسمتك



أقعد وسولف تفضل قهوة أعجابي
الله يحييك زانت بك تباشيري
عطني علومك قبل ماتحسب حسابي
وأنت أخذ ماتشتهي وأسمح بتقصيري
بس أنت خذني ترى ماغيرك أولابي
مليت من كثر ماترفض معاذيري



يكفيني أشره بالأمل يوم لقياك
لاتشعلين النار داخل ضلوعي
يكفيني أعيش الوهم حين طرياك
ويكفي بلحظة شوق أنثر دموعي
لاتخيب اللي عاش عمره برجواك
ويبغاك ماتصبح بحبه قطوعي



علمني البسمه على كل الأشكال
علمني أفرح من جديد أكتشفني
لاصرت أنا غرقان والنار في الجال
حبل النجاه اللي بيدي مانفعني
اللي أعزه في حياتي ولازال
شخص عشقته للأسف مافهمني



أبيع طيفك ونار القرب تغريني
وقبل آصلك من جنونك يحترق دمي
جيتك من السهر قبل العام بسنيني
الأشرعه رمش عيني والهجر دمي
أدري بجرحك وأعرف إنك تعزيني
ولامن جرحك الزمن صاح ونزف دمــي



تاصل على خير ياللي رايح هناك
لوهي على الكيف ماتمشي لحالك
لكن خذ اللي معي وأترك هداياك
إلا خذ اللي معك وأترك خيالك
تاصل على خير إن الله احياك
وأن الله أحياك ترجع لي لحالك



ليه ياقلبي تعذب وتعشق مستحيل
القناعه بعصورٍ مضــــــــــت وصّوبها
صرت مثل الل يبي المد من كف البخيل
والحسد بالناس يمشي بدم قلوبها
يابعد عمري مابقى لنا فـــ الأمر حيل
كيف تبغى تغيب الشمس قبل غروبها



يالهفة المشتاق وين التعاليل
وين الحبيب اللي يدور حبيبه
وين الهوى وين الفلا والمواويل
وين الغرام اللي زمان تحكيبه
وينك عسى ماشر ياقبلة الجيل
وشلون تلعب بالمشاعر غصيبه



أحبك كثر ماتكذب كثر ماتحب دمعاتي
كثر ماهلت عيوني دموع الشوق بغيابك
أحبك كثر ماتشكي كثر لومك ووناتي
كثر ماأذوب بأحساسك وأموت ببارد أعصابك
أحبك كثر ماتضحك وأحس الفرحه بشفاتي
كثر ماعاندك حظي كثر ماردني وجابك



أقفيت عنك وداخلي قايد النار
والرجّل ترجع بي ورى يم نورك
صديت وبعيني من الدمع مدرار
أتصبر على جور الهوى في بحورك
ياتاج كل الحب والحب يحتار
ريح الزهر يسقيه فايض عطورك



أستأذنك لازم أروح مأقوى على باقي الجروح
شوقتني وولعتني وهملتني وضيعتني
ظنيت فيني تعتني وأجبرتني على النزوح
أول بدينا بالسلام واليوم أقوله بالختام
لوجيت ودك بالكلام تلقى جسد من غير روح
كنت بحياتي كل شي وانا بحياتك كل شي
واليوم كم تزعل علي حبك قتل فيني الطموح



الطريق اللي لوى عنق الورق ذّل الكلام
أختصر هرجك ولملم مابقى من حبنّا
نمت في صبحك ويوم أمسيت عانقت الظلام
في عيونك وأنسدل فوق الضماير همنّا
في تقارير الحقيقه لامحبه والسلاآآآآآآآآم
مابقى بأقصى المشاعر غير صرخة دمنا



فرقاه مرت وكانت حيل عاديــــــــــه
وأنا اللي كنت أحسب ألف حساب لفراقه
كان أجمل الحب كان أحلام ورديه
وكنت اقرب الناس كل الناس لأعماقه
وأصبح سبايب عذاب أشواقنا الحيه
أشعل فتيل الغلا وأستقصد أحراقه



مانجحتي حاولي ألفين مره
وقابليني لو فلحتي
صدقيني أعرفك ماتحبين بسهوله
صادقه لكن خجوله ودي أحكي
بس خايف تفهميها وتعرفي
إنـــي أحبـــــــــــــــك
وتعرفي إنك نجحتي؟؟؟



أمنتهم كل أسراري
وملّكتهم كل ماليّه
ومن قبل لايتم مشواري
تعاونوا وغدرو فيّه



تويّ عرفت إن طيبة القلب عيبي
يلعن أبو قلبي وطيبي والأحساس
ماقدروا بعض المخاليــق طيبي
حتى إنت ماقدرت وأنت أطيب الناس



تكفين خلي مفارقنا على بالك
لاتحسبين الحياه المقبله زينه
اللي أشوفه تعب وجروح بوصالك
وشلون باكر طريق الحب تمشينه
أنتي تعبتي وأنا من صحبتك هالك
وظروفنا من عرفتك صعبه وشينه



أذكره يوم روّح والهبايب تحوفه
يوم صبّح عيوني بالوداع وبكنه
من طريقة كلامه يوم أنا جيت أشوفه
عارف إنه مفارق وأجزع القلب منه
الوكاد أفترقنا ماعليه الحسوفه
صاحبي والعيون اللي تبيه أتركنه



لاتزيد طعوني أوجعت الخناجر
مابقى عرق بقلبي ماثنيته
لوعيوني غيم أهديك المحاجر
ماضمى رمشك تحت دمع بكيته



أنا أعرف إن الحب يصدق مع أثنين
ذكي عديم إحساس قاسي ومفضوح
ياحب ياأبن الكلب يازفت ياطين
يلعن أبووووووي إن قلت لك يوم مسموح
قولي مجرد شخص ومثله كثيرين
قولي غبي جداً قولي بعد لوووح



نار تلهب وانا كني في عيد سعيد
ثوبي الصمت وأنفاس المواجع بخور
{عشت لدموع بعض المخاليق إيــد
ومت والدمع لازال في عيوني يفور }
ليتها تمشي الدنيا على مانريد
مير به ناس خلوها تلف وتدور



الزمن يفرض سؤال كل إجاباته محال
السعاده شي حقيقي ليس من صنع الخيال
في بدايات الأمور تبني أحلامك قصور
ولمّا تتعمق تضيع وتضل في نفسك تدور
كلنا محد سلم من سعاده أو ألم
بس منهو اللي فينا من وسط قلبه ((أبتسم))



ومن عجب إني أحن إليهم
وأسأل عنهم من لقيت وهم معي
وتطلبهم عيني وهم في سوادها
ويشتاق قلبي وهم بين أضلعي

 

 

[basharamer]

مسجااااااااااااااااااااات جميله

بس كسره للجيبه

يعني على بلاطه طفران وخلونا على المسجات الصغيره
ههههه

من صوت الغربه
مشكور