[.. أكبر قهر لاصار ناس يبونك و انت تبيهم بس حظك لعب فيك ..]

[أميره]

بسألك ليه الهوى منك وفيك
ليه المشاعر ما تعيش إلا بساعة شوفتك
ليه المحبة والوفا وأبيات شعري تهتويك
ليه أنت وبس اللي أموت ببسمتك
تدري لو مرة أقول إني كرهتك ما أبيك
يرجع علي صوت الصدا يقول
الله ما أكبر كذبتك


بعض المواقف تجي وتروح ما تبقى
وبعض المواقف صداها بالعمر باقي
يا صاحبي لا معي تتعب ولا تشقى
ما يتبدل الوقت وأخلاقي هي أخلاقي
إن جيت أرحب وإن ما جيتني تبقى
أنت أكثر انسان عزيته من أعماقي


ما يصير أنساك لالا ما يصير
وفي خفوقي لك معزة وأحترام
قبلك الدنيا مثل حلم صغير
وعقبك الدنيا غرام في غرام
أنت مثل النور في عين الضرير
لا لمحتك ما بقى حولي ظلام
فيك عمري ..فيك روحي والمصير
فيك كل أيام عمري والسلام

..

طالت الغيبات يا غالي علينا
وان تحريتك فهذا من غلاك
لو يطول البعد والله ماسلينا
المشاعر همها لحظة لقاك
يا كريم النفس مثلك مالقينا
لك معزة زادها عندي وفاك
ليت قربك يا هنا العمر بيدينا
واتبعك كني ظلال من وراك

..

ابرفع قضية على الدنيا ومافيها
واول قضية برفعها على حالي
وبشعل النار في نفسي واطفيها
واكشف خفايا الروح وافضح هبالي
خلاص ماني مكحلتها ابعميها
احوسها واقلب الاول على التالي

.. . ..

ناس تفكر همهم..يسعدونك
وناس تفكر كيف تقدر..تبكيك
لا تشتري من حاولو..يخسرونك
ولا تخسر اللي فكر بيوم..يشريك
مافي اجمل من صديق..يصونك
ولا فيه اقسى من قريب..يعاديك
اكبر قهر لا صار ناس..يبونك
وانت تبيهم بس حظك..لعب فيك

.. ..

يوم ما تنشد عن أحوالي
أقضي الساعات مهموم
غيرك مالنا غالي
واهتمامي فيك ملزوم
افرح بهاتفك ليا جاني
جايب لي منك العلوم
أو مسج يخطر لك في بالي
ترسله لو كنت مزحوم
محدن في ذا الزمن خالي
كلن يقاس ومهموم

.. ..

افرح إذا شفت الفرح في محياك
وتضيق بي الدنيا إذا شان بالك
أعطيك عمري يا عسى من فداياك
وش هي حياتي ما تساوي رضالك
جعل الولي يا صاحبي دوم يرعاك
وجعل الفرح في كل الأيام فالك

.. ..

سمعت باليتيم اللي قدام عينه تموت أمه
يناظر ولا يقدر يبرر دمعة الشفقان
يصرخ خذي روحي بس خليك يايمه
وتموت ويعاني مع الذكر ألم واحزان
كأن احساسي احساسه وما همني همه
هو القدر أخذ أمه وأنا فاقد أعز انسان

.. ..

ودي أكتب والقلم عيا يطيع
مدري الأشواق والا انت السبب
كيف أعبر والحكي مني يضيع
اسعفيني يا قواميس العرب
يا حروفي اشعر بشي فظيع
في خفوقي نار وأشواقي لهب
هذي أقلامي بكسرها جميع
في سكوتي تصبح أشواقي ذهب

.. ..

سألت القلب كيف
انصف إنسان مثلك ؟؟


قال :

انتبه تجرحه ،،
وبالأمل لا توعده ..
وبالكذب لا تخدعه ،،
وبالحب لا تشغله ..
ودايم قلبك يعذره ،،
والصراحة عامله ..
وعن روحك لا تبعده ،،
ولا تفكر تقطعه ..


.. أتـ م ـنى يـ ع ـجبونكم ..