غامد الهيلا

[! عازف القلوب !]

للشاعر والكاتب / المسري من منتديات مجالس الصقور

الليالي دايره والفلك والدنيا تدور=وعقرب الساعه يدور وماش فالعلم انتظار
ما بقى فالراي راي ولا بقى فالشور شور=الوكاد إن المواعيد حصلت والعلم صار
الوعد عهدٍ على الوافي وعهدي ما يبور=يوم واعدت النشامى ما عن الوعد اعتذار
الصدر من ليلة البارح وبركانه يثور=كل ما قلت يهدى عادت له الضيقه وثار
أطلق هجوسي تجوب الأرض من دور لدور=والهجوس ليا تعنّت ما يقر لها قرار
مرةٍ ترجع لي بشيّ ٍ مثل رزق الطيور=ومرةٍ تذهب ولا ترجع بوارٍ في بوار
مير أنا ما ني بخايف من تمنّاع الشعور=المشاعر حاميه والقلب حي والدم حار
اضرب الغبّات وأسبح في عميقات البحور=واظهر المرجان واللولو وزينات المحار
واتمشّى فالفياض وفالرياض أم الزهور=واتنقـّى ماابغي ألا قطفة خيار الثمار
ما تعبت أصخّر القيفان وآهدّ الصخور=غير قدر اللي لهم فالقلب حبٍ واقتدار
غامد الهيلا هل الردّات وافين الشبور=عزوتي ولباس جنبي فالكبار وفالصغار
التهم والباديه والحضر ما فيهم قصور=كل قيفٍ له مقام وكل رجلٍ له وقار
اسمنا واحد وشيمتنا وفالموقف حضور=لابةٍ منكافها معمر ومغزاها دمار
أهل مجند وأهل مسند وأهل مذهب وأهل شور=وأهل قاله وأهل طاله وأهل منصب وأهل كار
الدخيل مزبّنينه والخوي عن كل جور=وبالوفا والمقدره يشهد لهم ضيفٍ وجار
وفي مداقيل الحروب اللي على فلج النحور=ما تقول ألا شياطينٍ على قب المهار
الفعول لْها ايمانٍ والحمول لْها ظهور=عودهم فتّال شور وغمرهم شبّاب نار
في حمى هيباتهم تامن طواريف السبور=وتحت ظل سيوفهم ترعى مشاعيف البكار
لابتي والمدح فيهم من على الجد مْخبور=من قبل بعثة رسول الله لنا نار وشنار
ارتكزنا في ربى الباحه وشيّدنا القصور=من تربه ليا البحر نارد جهار من النهار
بالسيوف وبالصفوف وقوف والقصر مْعمور=في ذرى الله ثمّ في هيبة طويلين العمار
مجدنا وأمجادنا تفنى الليالي والدهور=ما تغيب ,, وفعلنا يؤخذ بعين الاعتبار
والمسرّي ما نظم قافه على سبع البحور=غير قدر اللي لهم فالقلب حبٍ واقتدار
غامد الهيلا هل الردّات وافين الشبور=عزوتي ولباس جنبي فالكبار وفالصغار
قدرهم صخّرت قيفاني وهدّيت الصخور=وفالختام انهي الكلام اللي بديته باختصار
ما تربّع في مجاليس الصقور ألا الصقور=ولا يبيّن فاللزوم ألا القرانيس الحرار

شرواكم...

شاعر بني شهر وشاعر العرضة الجنوبية هو: الشاعر/ علي السالمي الشهري . وهذي القصيدة هدية يهديها لقبيلة غامد يقول...

للشموخ الفارع اللي لو تواضع ماتحنى *** للسمو للمجد للتـتويج ياصبيان غامد

للشهامة للشيم للمدح يالقلب المعنى ***من تقلدها إذا غامد جحدهم فكر جاحد

والقيم والطيب وسلوم الرجال اللي تمنى *** اكتسبها الغامدي عن سابق اصرار وتعمد

وعندما تثنى على غامد وهم زبن المجنى ***قل اعوذ بربي العدل الحكم من شر حاسد

ولا تحدث عن صهيل الخيل في روضة مهنا *** ولا تصدق من يقل يعطي وهو للشي فاقد

بس حدثني عن العربان في سائر وطنا ***من مثل غامد رجال المال وشيوخ المساجد

يكفي آن الغامدي يوم آن زير الحرب دنا *** أيقض التاريخ واعطى درس عن رجال صامد

نشوة النصر المكين اللي له التاريخ غناء *** ما أنتزعها من يدي ( رستم ) سوى صبيان غامد

ما عليكم من مسلسل طاش ما طاش امتحنا ***ماهو إلا ضحكة هزلة على أشفا المشاهد

زمرة من حين ماتوقف على المسرح تثنى ***مابرز فيهم شجاع ولا أنولد فيهم مجاهد

وسلامتكم