:+:امــــــوووت فيــــــه:+:

[أميره]

عينه تناديني وعيني تناديه
بالصمت كلن استمر بنداته
والله يا ذاك اليوم ماني بناسيه
يوم التقيته واهتنيت بلقاته
ماقول من شفته غدى القلب يغليه
أقول : من شفته غدى القلب ذاته
لولا الحيا من ناس لــ .. اقول انا ابيه
هذا حياة القلب هذا مناته
هذا الذي من بد خلق الله اغليه
هذا الذي أطلب من الله رضاته
هذا الذي ياناس اموت انا فيه
واضيع لامن قال اني حياته
ماهمني من قال : وش له تحبيه
وماهمني من هو يعذرب صفاته
انا ادري ان الطيب متاصل فيه
وادري ان الطيب متاصل فيه
وادري بأن الجود زاد بعلاته
هو مكرم الضيفان كلن مسميه
ياحظ منهو بيت خلي مباته
الله عطانياه والله يخليه
لعيوني اللي ماتناظر سواته
حتى يلذيذ النوم سوالفي فيه
ياقلبي المجروح بالله هاته
هاته وانا بشبك ايادي بيديه
أو تدري ودي منه بس التفاته
يشوف حالي ويترحم لمغليه
وان مارحمني مستعده لشفاته
والله ماعندي غير سيرته واطريه
حتى اصغر اخواني درى عن غلاته