لا صـرت بـايـعـنـي

[أميره]

بسم الله الرحمن الرحيم

لا صرت بايعــني ,, اشوفك على خيــر
مع الســـلامــه ,, دام مـابـه ســلامــه


قلت: انتهيـنا ,, قلت لك: خيـر ياطيــر؟!
مانيب أول شخــص يـخـســر غــرامــه


محــذرك من قـبلــها "ألـــف" تحــذيـــر
لا عفــتــني ,, بيعيـــف قلبي هيـــامه


مانيب "ميـت" ,, لا ,, ولا احتــاج تبريـر
صـح الله لســـــانك ,, ووفـــر كـــلامــه


بسمعـــك حبكـه ,, وفكـره ,, وتصويــر
وافــهـم عـــدل يامــدعـي بالفـهــامــه


وجــه الشعــر أبيـض ,, ويحتــاج تغييـر
ودّي تـزيّــن هـالقــصيـــده عـــلاااامـــه


ماضيك "الأســود" بذكره دووون تقصيــر
كـذا يكـون بـخــد هالشعــر "شـــامـــه"


يصدق معي تعبيــر ,, و يـخـووون تعبيــر
ياضيــعة الشـــاعـر بوقــت انسجـــامــه


يمـكـن "خطــا" أدونــك بالـشـعــر ميــر
لو ماحــترمتـــك ,, للغـــرام احـتـرااااامه


((ماكان حبـك غيـر ,, بس طعنتك غيـر))
علمتـــني معنى "النـــدم" والندااامـــه


ماجـــاك منـي أي "زلـــه" و تقـصيـــر
كــــل ماخـطيــت اعــاتبك بابتســامه


حسبي على الذكرى إذا هبّت عصيــر
ماعــاد تنـفــع شرهــتي والمـــلامـــه


البـــال ظــامي وقـتـهـا ,, و الحزن بيــر
((خسرتك .. و همي كسبت اهتمـامه))


و الليـــل فــازع لك كــذا جــاني مغيــر
((ظلمتني ,, واكـثــر ظلمني ظــلامه))


لااقبل علي اوحيت صــوت المساييــر
وفــزيــت كـــل ضيــفٍ اقــوم بمقــامـه


وليا عــزم هالليــل ضيــقه وتفكيــــــر
قلّي بربك .. كيــف بقــدر أنــــــــامه؟؟


مافيه داعــي للعــتــب والمعــاذيــــر
"الغــدر" خال الجرح ,, واطيب عمامه


إن مايجــيب الله مطــر تــالي وخـيــرر
ولا السلامه.. ماااااش ,, مامن سلامه!!