אָ₪۩ನಾई¶وداعـا لفيروسات الميمورى و الاوتورن ::- اصدار أجدد بتاريخ 1/ 4 /2008 ¶ईನಾ۩₪אָ

[أسد المدينه]

وداعاً – لفيروسات الــــ Autorun مع Alfa Autorunner killer


مميزات البرنامج : -
1-الكشف عن جميع فيروسات الـــ autorun حتى اللى مش معروف منها و اللى لسه ما تعملش أصلاً .
2- حيحمى جهازك من أنه يتعدى بأى فيرس أوتورن بعد كده
3-يصلح جميع الأعطال التى تنشئ من ازالة الفيرس بعد ما تشيله .
4- بيستخدم خاصية Scan smart اللى مش ممكن تمسح ملف ويندوز أو قيمية ريجسترى غلط .


فكرة البرنامج : -

معظم الفيروسات و برامج التجسس الجديدة ، بتنتشر عن طريق الفلاش ميموى ، عن طريق ملفات الــ Autorun اللى بتكون مخفيه
و فى منها كتير مش بيتشاف اصلاً من الأنتى فيرس مرفق ملفين منهم واحد ملف تجسس بينسخ نفسه على اى بارتشن و التانى اعلان بيسحب من البروسيسور اكتر من ثلث قدرته ، من غير ما تشغلهم اعمل scan باى انتى فيرس مش حيتشافو اصلا.

فكرة البرنامج بسيطة بس فعاله جداً و هى اننا حنخلى الفيرس يقضى على نفسه بنفسه Let the Virus fight it's self ازاى ؟

1- البرنامج حيعمل scan الاول على كل الدرريفات اللى موجودة ، و يحللهم ( Hard Disk – Floppy – CD-ROM – DVD – Removable ) . ، و لو لقاها CD أو DVD بيبعد عنهم لأن ممكن يكون فيهم اسطوانه Autoplay يعنى فيها ملف اوتورن اصلا .


2- و بعدين لو لقى ملف اوتورن Autorun على الهارد ديسك او الفلاش ميمورى حيفتحه و يحلله و يعرف اسم البرنامج ((الملف التانى التنفيذى))

3- حياخد الملف التنفيذ و يحلله و يعرف حجمه بالظبط و يقراء الـ header بتاعه .

4- حيعمل Scan كامل على فولدر الويندوز ، و يدور على ملف تنفيذى تانى مش مهم يكون بنفس الأسم لأن معظم الفيروسات بتنسخ نفسها على الهارد من بره بأسم و تغير أسمها جوه الويندوز (( تخفى يعنى ))

5- حيقارن بين الملف اللى لقاه من الــ Autorun (( حجماً و Header )) لحد ما يلاقيه .

6- حيشغل البرنامج الملف ده و يعرف أيه اسم العمليه بتعته فى الــ Task manager و بالتحديد فى الــ Proccess

7- حيدور البرنامج فى الريجسترى على القيم اللى دخلت سواء بأسم الملف الأصلى أو بأسم الملف المتخفى أو بأسم الـــ Proccess الوهمية اللى بيقوم بيها .

8- حيقوم البرنامج بغلق كل التطبيقات المشتبه فيها و طبعاً الـــ Explorer لأن فى فيروسات بتغير فى قيمة إعدادت الـــ Explorer فى الريجيسرى زى البرنامج اللى أنا مرفقه Recycle.exe .

9- حيقوم البرنامج بعد كده بمسح كل الملفات و القيم المشتبه فيا من اليجسترى .

10 حيفتح تانى الإكسبلور بعد التأكد من نظافة الجهاز .

11- يصحح قيم الريجسترى اللى ممكن تكون أتغيرت من الفيرس .

12- و المفاجأة : حماية من الإصابة بأى فيرس أوتورن من أى فلاشه تانى ، و ذلك بعدم السماح لملفات الأوتورن بالعمل من على الفلاشات ، يعنى دب الفلاشة فى الجهاز و انت فى بطنك بطيخة صيفى

13- البرنامج بيستخدم خاصية scan smart ، يعنى ما تخفشى على نظامك مش ممكن يمسح ملف غلط او يعدل فى قيم الريجستر غلط .

اسبكم مع صور التسطيب و البرنامج

البرنامج من تصميمى و برمجتى ، يا ريت اللى يجربه و يفيده او يحب نضيف او نعدل حاجة فيه يبقى يبلغنى

حجم البرنامج 1.8 ميجا

حندخل أول مرة بس هنا القيم زى فى الرسم تمام

اول خانة : ahmed elalfy



و مش مهم الــ Cap او الــ Small

نسخــه معــدله

مميــزات النسخه الجديــده

اصلاح المشاكل التى كانت تواجه الاصدار السابق

السمات الاضافيه

اسلوب جديد فى السيت أب Setup

البرنامج اصبح له القدره فى حفظ الإعدادت يعنى مش لازم تظبطها كل مره تسطب البرنامج

تعديل جديد فى سيرش الريجسترى بحيث بقى أسرع

تنويه هام

الأوبشن الخاص بأختيار الدريفر لايتم تفعيله إلا فى حاله وجود ريدير أو فلاش ميمورى متصل بالجهاز ويقوم باختياره اتوماتيك

اشكر كل من قام بتجربه البرنامج واعلامى باى مشاكل فى البرنامج مما يساعدنى على تطوير البرنامج

مصمم البرنامج

ارجو من الجميع ابداء الرأى فى الاصدار الجديد بعد تجربته حتى نستطيع التعرف على اى مشاكل قذ تظهر ونقوم بعلاجها فى الاصدارات القادمه ان شاء الله .

تحميـــــل البرنـــامج

البرنامج مرفوع على 3 مواقع رفع

OR

OR

الباسورد

كود:
www.jsoft.com

[dodovb]

والله برنامج جميل شكرا لك

[dodovb]

ياشباب فين الروابط فين التحميل
بيظهر صور بس
برجاء التعديل و شكرا

[ashraf_jom]

الف الف شكرررررررررررررررررررررررررررررررررررررررررر

[kobr2100]

ياشباب فين الروابط فين التحميل
بيظهر صور بس
برجاء التعديل و شكرا