عندك من الحب مايكفي

[أميره]

حصري لجى سوفت


يا من اهديتني القصيد ..الله يحميك من صدوف الليالي

من جديد الجديد والحصري لمنتدى جى سوفت وأهله .. كلمات صاغها

واهداني اياها شخص عزيز وغالي ..

*اسأل الله له التوفيق والسعاده فاله ..من وين ماراح في حله وترحاله *...

اضعها بصمة ذكرى في المنتدى الغالي.



قدرك عالي ومنزلك فوق _
فوق الثريا وداخل الروح سكناك _
تعرف ولاتعرف وش كثر أهواك _
وأهوى ديار تفخر بمرباك
__أفرح ببسمتك ويسعدني رضاك _
وأكيد ياعذب السجايا ترى عديم شرواك



يابعيد الدار لاتبعد دخيلك
خلك بقربي عسى عمرك يطول
مااستوى في الأرض مخلوق مثيلك
يعلنا فدواك يابنت الأصول
تقبل البلدان أقدام تشيلك
وترقص لك فرح بلا دف وطبول
ليتني وياك في صبحك وليلك
وفي خيالك وفي حلومك والذهول
________________________

أنت نور الشمس مايظلم نورها
وأنت نجم الصبح لي يحلي الصباح
وأنت ورود الأرض ماتخفي عطورها
ترى لجل عيناك عمري لك مباحع
ال
ر
ي
م
_______________________

يومن تغيب عن عيوني
ينجبر لفواد يسليك
ينجبربالطيب والهوني
هاذي المحبه كان ترضيك
أنا الريم وأنت مجنوني
تهنا بجنونك كان يهنيك
وانا الريم يكون ليكوني
ننسى البعيد ولوكان يفديك
طبع النسا غالب لوقلت عدوني
من صاحب الوفا لي يوفيك
_______________________

أنت معي لو نفترق بعض الأحيان..
فرقى جسد والا أنت بالقلب مرسوم..
لو تختلف كل الأماكن والأزمان..
ويحل قوم ويرتحل بعدهم قوم..
محدن وصل مركزك يا أعز أنسان..
أنت الوحيد اللي على الروح موشوم
_______________________

أنا الوله والشوق أوزع على البشر
وماجاكم من الأشواق قطره من بحر شوقي
نبع من ألأشواق في لجة بحر
تزيد ماتنقص ولاينقصها مخلوقي
تعلمني عن الأشواق وأنا على حر الجمر
واصبر النفس ولو زاد عوقي

_______________________

ياظالمني ترى ظلمك حرام
ظالمني في بعادك والصدود
ماتخاف الله تدعيني حطام
عذبتني يازين وعديت الحدود
_______________________

مقوى الوداع ولاطيق فرقاك ساعه
ودي أشوفك لو مجرد ثواني
أن رحت عني قلت سمعا وطاعه
ماتدري المشتاق كمن يعاني
لو ذقت ممابي عن طيب وقناعه
ليشيب شعرك قبل شيب الزماني
_______________________

دامك حياتي من الاحساس خالي
بقطع رسيايل كنت أقدمها لمعاليكم
ومادام صمتك يعبر عن الحالي
بنجرب الصمت عساه فيوم يسليكم
ولو كان صمت الواحد يفهمه التالي
ماخلق ربي لسان يحاكيكم
وجميع خلق الله بلسانها تنالي
ماتشتهي وتريد الا أناروحي تناديكم
أطلب إله ألعرش يريح البالي
وتكسر جدار الصمت ربي يخليكم
هاذي نهاية صمتك تقطع وصالي
وتنهي
______________________

تعودني على البعد والصمت ياالغالي
وأخترتلي درب الجفا والصدودي
وارميت نفسي في شباكك ولاتسالي
وجهزتلي سهم رهيف الحدودي
بصبر ولو انه الصبر يسم ينحل الحالي
عساك تتلطف فيوم ولي تعودي
لي شفت مرسالك أرتحت في الحالي
وأذكرت شخصك يارهيف الخدودي
أنته في روح الروح ساكن ولاتبالي
ولا انا فبعدك معدي الحدودي
عساك هذا العام طيب الفالي
والسعد لك ومه بليا معدودي
______________________

ياالغلا قوم فتش تيلفوني
بتشوف رسايل شوق صوبك مرسله
مارسلت لحد غيرك ياعيوني
لو بغينا حد روحي تجهله
صورتك في العين أغطيهابجفوني
ومسكنك فالروح لاتتجاهله
_______________________

تسأليني عما جرالي وماأجيبك
السكوت أفضل لنا أحنا الثنين
كل ماأحزن يعمري اشتكيلك
وألقى دوا العله في لحظه وحين
الا هذا اليوم ماأقدر دخيلك
بتحمل هذا الهم في قلبي الحزين
بصبر النفس ومادور بديلك
أبث له شكواي ومابي مالحنين
_______________________

لاتلومني إذا وقفت من كتب الرسايل
كل ماأكتب شعوري لك أبيحه
وأحس بنار بفوادي شعايل
حتى خافي النفس لجلك مستبيحه
كل ماأكتب اشوف القلب مايل
يتبع دروبك وترى دروبك شحيحه
_______________________

أزعجتك بكثر المراسيل والقول
وبينت لك مافي القلب خافيه
وصغرت نفسي وأنته ألطول
ودي أعرفه لي تخبيه
هاذي النهايه كان بتقول
بكتم شعوري اليوم واخفيه
وإن شفتني هايم لاتقول مخبول
ولاتنسى السبب وتقول شو فيه
بصبر عساه فالصبرطب معقول
بصبر ولو أن الصبر محد يوازيه
مادمت شفت الصمت معقول
بدور الصمت اليوم وأشريه
وعساه عمرك ياالغلا يطول
وآخر سطرمني اليوم تقريه
وأرجو السموحه! !



يابعد عمري ترى صوبك دخيل
داخل على الله والوجوه الكرام
أبثلك شكواي والحال العليل
لاتجاهلني وتدعيني حطام
لاتجاهلني ترى بنورك ذهيل
لاتجاهلني وتدعيني فظلام
أرميتني بسهم يشفيله الغليل
وخليتني فمرماك ترميه السهام
يافاهم المعنى لادور بديل
يوم صرت اليوم بك هايم هيام
_____________________

تسأل عن لي تعرفه من سنين
صاحب المزحه ذالقلب الحنون
هو معك ماتغيره السنين
وماتبدل مثل لي يتبدلون
غير به شوق ويكثربه الحنين
من زود مما فيه تبكيه العيون
أنته معه فالروح ولا هو وين
أبي جواب الصدق يلي تفهمون
___________________

شطبت أسمي من دفتر تيلفونك
وخليت الرقم شروات الغريبي
ياخساره كيف أرخص في عيونك
وأنت لي فهالكون أقرب مالقريبي
___________________

أبسأك عن شي مامثله مثيل
أسرع من الطير لو هومايطير
هو عطيه من كرم ربي الجليل
لكل مخلوق فهاالدنيا يسير
له حديث يفهمه بس القليل
وهو تري رماي سهمه مايذير
إن رمى بسهمه يداويله العليل
وان رمى بسهمه على الصاحي خطير
أبي جواب اللغز فذاالوقت القليل
منك وحدك بس إذا يمكن يصير
_____________________

لو كنت غالي ماذقت فرقاك
ولاذقت طعم الجفا والبعادي
خليت روحي وحيده بلياك
عيني تبا شوفك وقلبي ينادي
ماشفت فهذا الكون حد يسواك
أنته نظر عيني ومهجة فوادي
__________________

سبحان من غير أحوالك
بعد ماكنتلي أقرب قريب
خبريني شو لي جرالك
لاتخليني مثل الغريب
خليتني في ليل حالك
سارح بفكري يصليه اللهيب
__________________

ماكل من عطاه الله تنصاه
ماجاك منهم ياقلب يكفيك
الله كريم سخي فعطاياه
لابد في يوم مثلهم بيعطيك
مادام ولفك عكسك نواياه
تبي الوصل وبالهجر يجزيك
أصبرترى الصبر زينه سجاياه
عساه ربك في يوم ينسيك
ولو كانت الروح فحسره بلياه
ترى قدر مكتوب لي يجيك
___________________

كانك تشوف فحبيه زله
أطلب عذر وتكون سمحان
حبي لك حالي من العله
لافيه نقص ولافيه بهتان
شروات هيل مقندبدله
يحليه طعمه لي يصب فنجان
أنقى من الماء لوذقته أدله
يهنك شربه ولو كنت رويان
______________________

بدعيك للعوده وبخليك مذخور
مادام هذا الشي لي بيرضيك
بصبر النفس ولوعشت مقهور
ولو تمت عروقي كلها تناديك
غلاك فالخاطر ياسيد الحور
ولاظن يالغالي أقدر أجافيك
بفرش الأرض فل وزهور
ولي مرت الحساد فعيي أخفيك
____________________

أنا والله ممابي اصيح
وتم الدمع من عيني دفوق
وأنته ياالغلا قلبك مريح
٠ تبات الليل مرتاح الخفوق
غناتيمن تبيني له أبيح
يطفي النار ويداوي الحروق
___________________

كل صباح وكل مشراقي
وحتى قبل مايظهرالنور
أشم طيبك ياعطر راقي
ياأحلا عطر من جنة زهور
طيفك غناتي يداوي أعواقي
في وسط روحي باني قصور
من زودحبك زادت أشواقي
لي شفت زولك قمت مبهور
_______________________

شو أسوي بقلب يهواك
عاشقك وغارق فبحرك
كله منى يطلب رضاك
مثل الرضيع متعلق بنحرك
ياويح نفسي كيف ينساك
والروح ماتقوى على هجرك
تراه الروح فكف يمناك
٠ والحال ينحل من زود بعدك
أحلفلك بمن خلقك وسواك
هالدنيا ماتسوى شعره من شعرك
_______________________

أنته لقيت من يعوضك عنا
وحنا تعبنا ومالقينا بديلك
تراك الجفا والبعد معطنا
وانا علي رموش العيون أجيلك
لوكان في خاطرك مسكنا
ماشفتني ياالغالي قتيلك
روف وتلطف يناسنا
وأرحم ممابي دخيلك
______________________

لو كنت مغلني ياالغلا بزود
لاشوف هذا الشي فنظرة عيونك
وفهمسك ورمسك وكل معدود
وكك مايرسل من تيلفونك
بكون عندك شخص مفنود
وتقول هذا الكون سر بدونك
قول وفعل دون مردود
خوفي من الناس لايبعدونك
______________________

ذليت نفسي في هواكم ياالغلا ذل
وأدعيت روحي في محبتكم ذليله
وأنته تسامر وتضحكلك مع الكل
وزدتني بحمل على حملي اشيله
لكن بعد هذا اليوم للعز بوصل
ولو تمت الروح من بعدك عليله
أنته السبب يانرجس وفل
وأنته من يبى الخل ينسى خليله
عساك لكل الذي تبغيه توصل
والسعد لك دايم والفرحه الطويله
______________________

( جيت كم مره وشفتك ولاشفتك )
لو قضيت العمر أتسامر وياك
ماظنتي ياالغلا منك أشبع أكيد
لنك ملكت الروح واحساسي معاك
وفي سويدا القلب سكنتك تحيد
ياالغلا لاتجافي من يباك
لنه نار الشوق فالمهجه تزيد
يعل هذاالكون ومن سكنه فداك
يابعد عمري عسى عمرك مديد



عندك من الحب مايكفي
حتى مغرق أرض توطيها
طلبت لي شي منه تعطي
حتى لو كلمه أحس فيها
ولانظره منك لي تشفي
تبري جروحي وتشفيها
حبك فدمي ياالغلا يجزي
وصورتك فالروح أخفيها
لو تحس مابيه وتدري
لتبيع هالدنيا ومن فيها
بتبيع كل غالي ولي تشري
وو زادت الاثمان تعطيها
_________________وسلاااااااامتكم