خاصه من القلب إلى القلب..!!

[أميره]

إهداء خااااص من القلب إلى القلب .. لكل من يمر عالموضوع

....
...
..
.
كنا نقضي ليالينا بالسواليف
وصرنا نراسل بعضنا مثل الأغراب.!

@@@@@@@@@

يسعد صباح العيون اللي صحت بدري..
اصحى حرام الصباح يمر من دونك،،
جتك الرساله على غفله وانا مدري..
حتى الرسايل تبي تصبح على عيونك،،!


@@@@@@@@@

إيه والله إن شوفته تستاهل عنادي
إللي عشانه تركت الدار والتربه..!!
ما اقول لك ان شوفته نستني بلادي..
لكنها ياصاحبي ،، نستني الغربه..!!

@@@@@@@@@


اللي بقا لي في غيابك ،، سكوتك
واللي فقدته من غيابك ،، حنانك
عذرك معك لو خبروني بموتك
وحقي عليك ان كان عذرك زمانك..
ماكان موعد،،وأعذرك لو يفوتك..
أنا انتظرت العمر كله عشانك..!!

@@@@@@@@@


ياهلا بك يابعد كل الاماكن،،
شبه كامل وأتصالك كملك،،
الرسايل كم على اسمك تباكن،،
انت تدري حتى لو ماقلت لك،،
الغلا لك في حنايا القلب ماكن،،
توجك قلبي على ضلوعي ملك،،
موانا اللي مشتاق لك ،، لكن
"الاماكن كلها مشتاقه لك"


@@@@@@@@@


تدرين لا من زعلتي وش يصير،،؟
تدرين لامن صار خاطرك مكسور،،
تكدس أغصان الشجر بالعصافير،،
وكل ماذرفتي دمع ،، يموت عصفور،،!



@@@@@@@@@

لاتحطم لو تحطم لك أمل..!
اعرف ان الله يحبك وابتسم..
لاتقول الحظ عمره ماكمل..
قل : أنا حاولت والله ماقسم..؟!


@@@@@@@@@

ياالله ياللي عندك الناس سيان..
تجار،، وضعوف ،، وعبيد ،، وسلاطين
حنا عبيدك .. وانت ياعالي الشان..
أدرى بخبث وغطرسات الملاعين..
يارب تدحر كيد عباد الأوثان..
وتعز ناس همها نصرة الدين..!!


@@@@@@@@@


من علم الحزن يعبث في ملامحنا
من علم الموج يرحل عن موانينا
لو صار من خطا ياوقت سامحنا
حرام هاللي تسويه يازمن فينا

@@@@@@@@@


يارب إذا لي دعوه مستجابه،،
بوجز لو أن اللي أبيه واجد ،،
ابقى على نهج النبي والصحابه ،،
وأموت بين يديك يارب ساجد ،،!!


@@@@@@@@@

يسعد صباحك ويسعد نظرة عيونك
ياكبر حظ الرساله يومها قبالك،،!
تبغي تعرف اني أكثر من يحبونك..
تشهد لي أول رساله وسط جوالك..!!


@@@@@@@@@

استجبنا للفراق ولا نسينا الموده..
ليلة الفرقا تبادلنا الرسايل والهدايا..
قال والله لحتفظ بصورتك تحت المخده..!!
قلت والله لحتفظ صورتك بين الحنايا..!؟


@@@@@@@@@


يا أكثر الناس طيبه جيت في وقتك
شف كيف وجهي شحب لونه من اسبابك
هذي سواتي من اول يوم فارقتك
ألوم نفسي ،، وأدور عذر لغيابك


@@@@@@@@@

وحيد لاصاحب ولاخل وعيوني سارحه..!!
استرجع اللي فات مني وأقول العمر فات..
ما قد شعرت بطعم الحزن هذا كثر البارحه..!!
ساعة عرفت أن أجمل الأشياء .."صارت ذكريات"..!!


@@@@@@@@@


اما انت ياقلب لو صالوا بك وجالوا ،،
خلك مثل ما أنت لا تشره على يديهم ،،
الناس من خلقت الدنيا وما زالوا ،،
عيال رجال لكن فيهم وفيهم ،،!!
وذولاك من عرض ناس مالي ان مالوا
الا أني اسكت ،، واقول: الله يهديهم


@@@@@@@@@

جيت ناس تزود حيرة القلب حيره.
قلت: آطيع الزمان وكل شده تزول.
قالوا: العمر يكبر،، قلت كذبه كبيره.
عمر الإنسان يصغر كل ماهو يطول.،!.

@@@@@@@@@


ماعاد تشفع ريحة الورد للورد
وما عاد تغري فرحة العيد بالعيد
العام مر ومرة أيامه الشرد
والشمع عيا ينحني للزغاريد.!

@@@@@@@@@


كم ترجيتك وحاولت وطلبتك..!
وقلت تكفى لا تعودني عليك..!؟
شوفني هالحين ذنبي في رقبتك..
كل شي(ن) فيني صار يموت فيك..!!


@@@@@@@@@

كني أنا وياك عينين في راس..!!
ياما تسامرنا وياما غفينا..
لكن على قرب المشاعر والاحساس ،،
بنموت وحنا مع بعض ما لتقينا..!؟


@@@@@@@@@


ثمان أيام عدت في غيابك ثمان سنين ..!!
تخيل عاد لو صارت على قولك ثمان شهور؟؟؟؟


@@@@@@@@@


لا تطيع الهم لو همك كبير
قل لهمك لو كبر لي رب أكبر
بالصلاة يهون كل أمر عسير
يكفي إنك تبتدي بالله اكبر

@@@@@@@@@


يالصيف يافصل الجفا منك لله..
كم قال عاشق: حسبي الله على الصيف.!!
ذوقتنا طعم الفراق وكرهناه..
وعلمتنا وشلون فرقا المواليف..!

@@@@@@@@@

ياطير شف درفة الشباك مفتوحه..
تركتها لك مثل ما كنت خابرها..
لامن خذلك الزمان وكثرة جروحه..
لاتسأل أول جروحه وشو آخرها..
تعال شف صاحبك قافل على روحه..
بيبان الايام ،، والدنيا مسكرها..!!


@@@@@@@@@

لو يعرف الورد من جبته عشانه
كان قبل اشريه يسبقني عليك
ألف بسم الله على مترف زمانه
المرض مثله مثل غيره يبيك
والمرض معذور لواني في مكانه
كان أخلي كل هالعالم واجيك

@@@@@@@@@



.."صباحك نور"..
صباحك مدرسه ونعاس طفل فـ آخر الطابور..
صباحك أم تخوف ولدها بطاري الدكتور ..
صباحك لمة أصحاب نسوا بأن الزمن يدور ..
صباحك ضحكه بنيه تقول لصاحبتها اسرار ..
صباحك هدهدة أشعار
وعاشق يهمس لخله : أنا ما أشك بس أغار..
صباحك طفلتين صغار..
جمعهم صف وأفترقوا..
وتلاقوا يوم صاروا كبار..



@@@@@@@@@

غايب عمر ،، واليوم راجع لي تقول أشتقت لك..،،
والله وفيك الخير بس الشوق وينه وانت وين..؟؟
يومك تقول أشتقت لك كنك تقول : أبقتلك..!!
لك عين ترجع بعد هذا العمر .. أصلا إنت مين.!؟


@@@@@@@@@


كل يوم أجلس على جال البحر وأقول : توي
لاسألني: مافقدت الحلم في لمسة يدينه؟!
مادريت أن البحر قال لأمواجه : تروي
ومادريت أن الغرق هو حجة غياب السفينه..!!


@@@@@@@@@


<<ومنها ماجعلني أتلاشى،،،

هذي بلادك / بس تكفى لاتخليها
يامن سكنت أقصى ضلوعي لاتخليني..
الناس كل له بلاد عايش فيها..
وأنا الوحيد اللي بلادي " عايشه فيني"!!


@@@@@@@@@


الأرض رحبه علامك جالس لحالك
ان كنت مهموم ،، كل عنده همومه
في داخلك ،،"طفل"،، لاتقتله باهمالك،،!
وقف زمانك،، وصح الطفل من نومه..!


@@@@@@@@@


في الذاكره ريحة زهور ميته..
وأشياء كثيره صارت مدري وينها..!
طفل يشيل العيد في طاقيته..
وأم تخش الدموع عن طفلينها..!
ورفيق عمر الوقت شح بجيته..
وبنت قسمت القلب بيني وبينها..!


@@@@@@@@@


يامن شكى البعد والغربه
غربتك في البعد عن ربك
الضيق والهم والكربه
وظروفك اللي تلاعب بك
واللي تحسه وتشعر به
يمكن عشان الله يحبك
جزاه سجده على تربه
سواك من طينه وصبك

@@@@@@@@@


كل الصباحات ما تكمل بلا شوفك..
إصحى وخل الصبح بشوفتك يكمل..
صباح قلبك ، شعورك ، ظحكتك ، خوفك..
صباح لمسة أيديك ، ووجهك الأجمل..!


@@@@@@@@@


الناس تشره على الدمعه إذا طاحت.!!
وآنا أقول الفخر لا طاحت الدمعه..
مهيب دمعة خضوع لحاجة راحت..!
دمعة خشوعك بعد تكبيرة الجمعه..!!؟


@@@@@@@@@


صباح العذر لو طال الغياب وطالت ظروفي..؟
صباح الطيبه اللي فـ عيونك كل ماجيتك..
بقى يومين بإذن الله ويقفي همي وخوفي..
وعسى الله ما يخليني بعدها إن كان خليتك..!!


@@@@@@@@@


آتخيلك وسط فستان ومعه طرحه..!
وأقول ياحظ من هوجنبك ببشته..
بيكون هو يومها ميت من الفرحه..!
وبموت مع حلمي اللي مات ما عشته..!!


@@@@@@@@@

هيه ،،، وين انت ياللي كان مافيه غيره..؟؟
يفهم أللي أقوله قبل حتى لاأقول..!
رحت أدور حبيب مثلك أبغي أستشيره..
وأثر ما كل زول يتعوض بـ(زول)،!


@@@@@@@@@


جيت في ليلة وداعه تايه بين البيوت
وصحت : " وينك"؟! أوادع عمري اللي ضاع فيك..
ماسمعت إلا صدى صوته وكان أرق صوت..
ينطق إسمي ثم يهمس " من متى وانا أحتريك"؟!


@@@@@@@@@

الكرم ما صار في هيل وذبايح..!
الكرم في البذل قدر الاستطاعه..
ياعرب ياناس يا كبر الفضايح..؟
كم لكم أخوان قد ماتوا مجاعه!!؟


@@@@@@@@@


حزين !

حزين بس وتكتفي!
قل وجه غارق فـ الحزن
قل عشر أصابع ترتعش
قل آدمي مثل السراب
صوته إذا مر .. مر بلا حروف
وتقول عن حالي حزين ؟!
حزين بس !
حزين بس وتكتفي!؟
قل كان قطعه من فرح
وأصبح حزين حزين حيييييل ومنطفي


@@@@@@@@@


كل ماطابت هجوسي رحت أسولف للزوايا..!
عن فتاة كان يملا صوتها صمت المكان..!
عن فتاة غير كل اللي قرينا في الحكايا..!
صمتها طيش وقصيد وطيشها صمت وأمان..!
باقي فيها من اللي في طفولتها بقايا..!
شيطنة ضحك وسوالف ،، رقه وشعور وحنان..@


@@@@@@@@@

من تلك النبضات ما جعلتني أبتسم
يا أرق من شعر وأعذب من حكي طفله
يا أغلى من أحب وأغرب من يجافيني،،!
جيتي مثل بيت الشعر،، جاعلى غفله
ورحتي مثل دمعه ،، ماشاورت عيني

@@@@@@@@@

فقدت في الشده حبايب وخلان
هانت عليهم عشرتي بس ماهنت
خانوا وقلت أن الزمن مثلهم خان
لكن بعد ماشفت زولك تطمنت
عرفت من فقدي لهم اني انسان
ماعاد باقي له من العالم إلا انت


@@@@@@@@@

يا أعز من دمعي لعيني
وألذ وأحلى من السكر
ياخطوط الأيام فـ يديني
يالطفله اللي نست تكبر
أنا أدري انك تحبيني
وانا أحبك بعد أكثر


@@@@@@@@@

أيه قلبك رغم جرحه وانزعاجه
الزمن ماغير احساسه تجاهي
يكفي أنك ياضوا القلب وسراجه
كل حاجه فيك ظلت مثل ماهي
الخجل في وجهك اول ماانتواجه
والبراءه في عيونك وانت لاهي
وبسمتك لامن بغيت تقول حاجه
ونظرتك لامن لمحتك وانت ساهي


@@@@@@@@@

الباب هذا باب بيتك ،، بس ماينفتح عليه !
الباب هذه لو فتحته ،، تنفتح لي الحياه
وانا وراه ،، احس كن الدمع تخنقني يديه
أحس كنه حد منفى ،، والوطن كله وراه

..
..
..
..جميع الأبيات لشاعر المتميز:فهد المساعد.

 

 

[basharamer]

شـكــ وبارك الله فيك ـــرا لك ... لك مني أجمل تحية .