||[.. مسجات × مسجات ..]||

[أميره]

السلام عليكم ورحمة الله وبركاااته ..
الموضوووع واااضح من عنوااانه .. بحط لكم مجمووعه من المسجات وأتمنى إنها تعجبكم .. ^^
يللا نبدى ..


واصلني بصوتك وأنا مثلك أوفيك ..
لو بيننا دروب المسافه بعيده ..
لا شفت رقمك فز قلبي يناديك ..
فزات غافل لامس النار بيده ..
لا تبخل بوصلك ترى القلب راجيك ..
ومناه يشوفك كل ساعة ودقيقه ..

==========

( أضيع ) بدنيتي وأرحل لو قلبك علي زعلان ..
( وأبيع ) الكون من شانك وحياتي لك أخليها ..
( رجيتك ) لا تخليني إذا كثرت بي الأحزان ..
أبيك تكون بجنبي وكل الناس ( ما أبيها ) ..

==========

لو الرسالة تروي القلب بوصال ..
والله لأرسل لين يفنى رصيدي ..
لكن غلاك بقلبي أكثر من إرسال ..
حب البشر ينقص وحبك يزيدي ..
حب البشر كله ركنته على الحال ..
وحبك سرى بالدم وأسأل وريدي ..

==========

" أعترف لك "
إنك أجمل ما حصل بالكون فيني ..
وإنك أغلى من هواي ومن سنيني ..
وإنك أحلى حلم في فكري وعيني ..
" أعترفك لك "
آآآه وشلون أعترف لك ..
آآآه يا جرح ٍ .. بكيته ..
آآآه يا همٍ .. سريته ..
آآآه يا حلم ٍ .. نساني ..
" ما نسيته "

==========

ما هي بسيطة يوصفك كل مخلوق ..
وصفك كثير وكل شي فيك حالي ..
إنسان متواضع وطيب ومحبوب ..
أفرح إذا سمعت صوته ويرتاح بالي ..
وإذا تكلم كلمته فعل منطوق ..
تشهد له الأفعال وهو حيل .. "" غــــــالي "" ..

==========

محلا الرسالة منك لا جت على [الشوق] ..
تهزني هز الهبايب للأوراق ..
تطفي لهيب إللي من البعد [محروق] ..
تروي عطش قلب ع الوصل مشتاق ..
لا جت من الغالي لها ميزة [وذوق] ..
مكتوبة ٍ بإخلاص من جوف الأعماق ..

==========

عهد ٍ قطعته لو مضى العمر ما أنساك ..
إلا إذا صادفت لحظة وفاتي ..
جايز أحبك وأفقدك وأتناساك ..
جايز تغيب وتنسى حبي وغلاتي ..
بس انت تدري كيف انا أحس وياك ..
وتدري وجودك أكبر طموح بحياتي ..

==========

<هلا> يك يا بعد دنيا غدت عقبك بدون ألوان ..
<هلا> بأطيب بشر في الكون ..
<هلا> بصافي النيه ..
<هلا> يصرخ بها لساني بصوت ٍ منتهي وولهان ..
يرددها بدون شعور <هلا> للمره الميه ..

==========

اشتقت لك يا صاحبي وين ألاقيك ..
محتاج لك بالحيل ودي أشوفك ..
اشتقت أسولف معك وأسمع حكاويك ..
اشتقت للمه الحلوه وباقي مزوحك ..
يا صاحبي من كثر ما اطريك وأغليك ..
صرت أتحلم فيك وأصحى وأشوفك ..

==========

القى خيالك في خيالي وأضمه ..
وأشوف زولك بين رمشي وعيني ..
يمرني طيفك مسرع وألمه ..
من لهفتي تسبق عيوني يديني ..
مثل العبير يفوح عطرك وأشمه ..
في لحظة تسوى بقايا سنيني ..
لو طال بعدك ما ذبحني بهمه ..
ما دام طيفك ساكن وسط عيني ..

==========

جعلك سعيد بدنيتك ودوم مرتاح ..
يإللي سكن حبك بقلب مغليك ..
أنا أشهد إن الغلا والشوق فضاح ..
لا صار من تغليه بالود يغليك ..

==========

الناس بالدنيا ..!
تواريخ .. و .. أرقام ..
أحباب .. و .. أصحاب ..
معارف .. و .. خلان ..
وأنت بقلبي جامع الأربع أقسام ..
وقدرك بقلبي دايم الدوم ما هان ..

==========

يكفيني منك بسمتك ..
وأغلى هدية ضحكتك ..
ما أبي كثير حلمي أنا ما هو كبير ..
البسمة تكفيني شعور ..
والضحكة ترضيني غرور ..
ما ابيك تهديني عمر ..
وما ابيك تغريني بقمر ..
يكفيني مكاني بدنيتك ..
مرتاح لو كنت الأخير ..

==========

يكفيني بس أنت لا قلت وشلونك ..
تطيب كل الجروح ويختلف لوني ..
إن غبت عني شعرت بلذة طعونك ..
وإن شفت زولك شعرت بقيمة عيوني ..
يمكن أكون أنا أعز الناس بعيونك ..
بس أنت والله كل الناس بعيوني ..

==========

صاحبي وإن غبت عني أنت غالي ..
وهاجسك إن غاب روحي له وسيعه ..
دام بهالدنيا ناس تحبك لا تبالي ..
والزمن لو ما يطيعك لا تطيعه ..
قلت لك الروح ترخص لجل غالي ..
وأنت عندي تسوى هالعالم جميعه ..

==========

* مــشــتــاق * لشوفك ولقياك ..
وكل العيون بلى عيونك ممله ..
اسمك على لساني وشوقي لملقاك ..
ورسمك ترى بوسط قلبي محله ..
كلي أمل تجمعني الأيام وياك ..
يا مالك * الــقــلــب * مع العقل كله ..

==========

ودي أكون قربك ..
ودي أعيش بقلبك ..
ودي أسمع صوتك ..
ودي أشبك يدي بيدك ..
ودي أنسيك كل همك ..
ما ودي أجرحك ..
ما ودي أزعلك ..
ما ودي أخدعك ..
ما ودي أخونك ..
ما ودي اعيش بدونك ..
وربي بعمري .. وحياتي .. وروحي .. أصونك ..
بس ..!!
حبني كثر ما أحبك ..

==========

أنا في دنيتي إنسان ..
ملكني دون ما أدري ..
زرع في داخلي حبه ..
ومع الأيام بدت تقوى ..
أصول الحب وأصبح لي ..
"" عديل الروح ""
ولو يزعل ولو يجفى ولو إنه يعاتبني ..
يبقى لي حبيب الروح ..

==========

ليتك تشوف إللي بقلبي وتقراه ..
وتعرف مكانك داخل القلب بوضوح ..
وتشوف حبك كيف قلبي تبناه ..
وتعرف مدى تأثير حبك على الروح ..
حبك ملك قلبي من أقصاه لأدناه ..
وأقسم قسم لو ياخذ الروح مسموح ..

==========

غصب ٍ علي أبكي ليا حل طاريك ..
تنزل دموع العين ما شاورتني ..
من عاد أبكي غيرك إن كان ما أبيك ..
جربت فرقى غيركم وأضحكتني ..
قبل الكفن والقبر ماني بناسيك ..
ودي بقربك والظروف احرمتني ..

==========

قالوا: وش إللي بين قلبك وبينه ..
من حضرته يومه عن الناس ملهيك ..
قلت: العفو عمري رخصته لعينه ..
وأرمي بروحي له بدرب التهاليك ..
لو قال أبي الثنتين ما هي ثمينه ..
أو قال أبي عمرك وباقي لياليك ..

==========

كل ما تذكرتك ما ذكرت إلا وفاك ..
ولو أدون ذكرياتي ما سكن فيها سواك ..
أنت أوفى من لقيته زدت عن هذا وذاك ..
لا تقول إني نسيتك أو أفكر في جفاك ..
لو تمنيت الأماني ما طلبت إلا لقاك ..

==========

لو غبت لحظة كل ما فيني يتمناك ..
صعبة حياتي يا حياتي بدونك ..
أهيم بصوتك وهمسك ولقياك ..
حتى مع الأحلام ما أقدر أخونك ..

==========