مسجات خيانة جصرية

[جي سوفت]

/
\
صباحكم / مساكم رضا




مدخ خ خ ـل /:
اذا عيونك نايمه ..
وفرشك حرير .. روحي ترفرف هايمه
تجلس على نفس السرير ..
توشوشك ..
ما أوحشك .. لما اغيب ؟
وانتي تقولي لي بلا
تدرين اني اشتقت لك ؟
وانتي تقولي لي بعد ..!
اورقت لك ..
امدها ايدي بفرح !
والمس يديك ..
والمس يديك !
وانتي تحاكيني بزعل ..
شاللي تبي ؟
واقول :
مشتاق بـ اتطمن عليك !

/
\

/
\
ميتّ وأدورني بجوفك والاقيك ..
واسألك ويني ؟ وانصدم فيك وامووت : (




متفرده .. [ عصفوره ] لما تغييب ..
تبقى بقلبي مغرده !
اتذكر ف مره بكت ..
وسالت دموووع :
[ مورّده ]




على شآآني ..
عشان اللحظه الاولى من الغيم وحديث الصدق !
عشان الليل ../ وحديث الهيل !
بديت اذكرك وانساني ..

/
\

/
\
بلّي ريقي ..
اسأليني ليش ضيقي ؟
ليش من امشي مسافه ../ تسرق الدنيا طريقي !
بلّي ريقي ..
علميني .. ليه اكثر الطعنات :
من خنجر رفيقي ؟
من خنجر رفيقي ؟
من خنجر رفيقي ؟




تدلعي بالقلب ../ هذا مكانك !
لكن [ امانه ] طالبك لا تغيبين !
قبل تجينه كان ../ ينبض عشانك
بيبقى مكانك لين ما انتي تشيبين !




مرت وكانت مثل [ جية حمامه ]
وبنى لها قلبي من الود اعشاش ..
تطري ../ تطير من الشفاه ابتساامه !
وتبقى سوالفها [ عطر يملي غراش ]

/
\

/
\
مسائك ورد !
اذا حسيت بالغربه
يجيني برد !




مساء الطهر ../ يا اطهر من سكن قلبي
وهنّاني ..!
مساء الزهر ../ الذي نوّر بأغصاني ..!
مساء النهر ../ الذي يجري الا من غبت
بـ اوجاني !





تسولف لي ..
وأرمي النرد ..
بعد سولف
بعد سولف
بعد سولف
تملّت غرفتي بالورد !




مساءك عاطر وو ../ وردي !
وانا بعدي على خبرك
[ على بردي ]
متى بتجين ؟




مسائك زهر
وانا ماني على بعضي ..
وحزين شوي يا ../ ست الطهر !

/
\

/
\
جتني وكانت [ هايمه ]
من جد انت تحبني .؟؟
ومن قبل ما اعطي جواب
قالت بـ عينك خبني
ومن يومها وهي [ نايمه ]




جيتك ابي ابكي ..
بس جيتني فرحان !
حاولت افضفض لك
ولا لقيت [ انسان ]
/
\
يرحم ابوك ارحم
ذبحتني يا ليل
فيني مـ ابي تهتم
بس ارحم المنديل
بس ارحم المنديل
بس ارحم المنديل





رفرفي بي
علميني شمعني ظلمى
من تغيبي !!
اشمعني يبدى النور دايم
من تناديني
ح
ب
ي
ب
ي


/
\

/
\


مـ خ خ خ ـرج /:
بعد اذنك ..
ابي امشي !
وترى هذا الفرح من يوم ما جيتي ..
سكن رمشي !
نسيت الدمع وحكايه غياب وهم ..
عرفتك ام ..
دفا الدنيا وطهارتها
وبياض الروح !
وعرفتيني طفل مجنون ..
ومشاغب يتدلل على امه !
يبوس ايدينها ويغفى ..
تضمه ../ لجل يدفى
بعد اذنك ابي امشي وبكتب لك
بأن انتي غديتي العطر بأحلامي ..
غديتي كل شي ابيض !
اكاليل الفرح والنور ..
وطرحة عرس ..
غديتي غرس ..
يظللني !
واشاغب هالغصن دايم ..
ويدللني !
واقول انك غيوم تمر
وتبللني !
وامانه بس اذا كان احساسك
يشابه نبض احساسي
امانه لا تقولي شي !
قدامي ..
وخليني طفل مهووس ..
ب اوهامي !

 

 

[أميره]

رووووووووووعهـ

ودآآآيمـ مسجآآتكـ روعهـ

لا تحرمينآآ جديدكـ يآلغلآ