مسجات شعرية مـــ الطائر الجريح ــــن

[أميره]

السلام عليكم والرحمة

سلام يا شخصٍ حميده سجاياه.......والطيب بيته ما تزعزع عموده
موَجه صوبه سلامي وينصاه........ومعطرٍ بالطيب تلفح وروده
وسلام وافي والتراحيب تقفاه.......وحبره على الاوراق من دهن عوده
وقافٍ يخصك والتحيات مهداه.......اعداد ما نسنس ذعاذيع نوده

يا طير ياللي لك مع الجو معبار.......وقع وخذلي فوق متنك رساله
سافر بها يا حر من دار لديار.........عسى طريقك يالنداوي سهاله
بلغ سلامي كل وافين الاشبار........كسابة الامجاد في كل حاله

حبكم بعروقنا ساري.............والعهد يا خوي ما خونه
وإن بغيت العون لك ساري......وجيشنا باحرك اركونه
نسعف المجروح ونداري........وكم قلوب تصيح مطعونه
وانا بنيت بقلبكم داري...........ما سكنا بيوت مسكونه
السموحه من وعذاري..........وبالعسر دايم لك معونه

كانك بغيت الحق في قول راعيه.........انا على خوة هل الطيب ناوي
خوة هل الفزعات مابه مشاريه.........أهل العلوم الطيبه والهقاوي
شرواك يا من يبعد الهم طاريه..........يا ذيب حايل في نهار العزاوي

لا هنت يا مرسل عسى أيامك اطوال......وعمرك عسى ربك يبارك سنينه
وإنته صديق الصدق قول وأفعال..........ومثلك ترانا للزمن ذاخرينه
وإنته العزيز اللي لك المدح ينقال........والمدح في مثلك احباله متينه

لا شك يا من معك عقل ولباقه..........بنصحك كان انك للامثال تشتاق
صادق ربعن يعرفون الصداقه..........يقفون صفك يوم يبسات الارياق
ومن يرغب فراقك ف عجل فراقه.......جاز الذي يجزيك:إفراق بفراق

البعد ما يبعد عزيزين الاصحاب........سيف بيمينك لا بغيته تسله
وإن مالقيت الود بعيون الاحباب.......تفداك عينٍ شالت الود كله
أجيك مقبل لا دبرت كل الاصحاب......وما أزعل عليك ولو بدت منك زله

تحياتى
اختكم