حوار بين اتنين سمعهم تقيل شويه

[أميره]

حوار بين اثنين سمعهم تقيل

تخيلوا لو اتنين سمعهم تقيل اتكلموا مع بعض!! . ايه اللي ممكن يحصل ؟ تعالوا نشوف اتنين من دول، واقفين على محطة الاتوبيس ودار بينهم الحوار ده

ريهام : الاتوبيس ده بيروح مــصر الجديدة؟

سمسمه : على الحديدة !!... ليه انت طالب احسان
ريهام : بذرة الكتان !! لا ..دي تلاقيها عند العطار

سمسمه : جزار!! اه ..قولي كده .. عايز تشتري لحمة

ريهام : معاك حق.. الدنيا زحمة ..علشان ده ميعاد خروج الموظفين
سمسمه : نور الدين !! لا والله .. ماعرفوهش

ريهام : ما بتشربوش!! ليه ..كفا الله الشر

سمسمه : رأس البر !!! ..ده مــصيف هادي

ريهام.: عايز تركب للمعادي... دي منطقة جميلة

سمسمه : بليلة !! انت شكلك كده جعان
ريهام : عيان!!! أه والله .انت باين عليك عيان ..طيب ما تروح للدكتور
سمسمه : الحنطور!! ده احسن من الأتوبيس ، وبيوصلني لحد الباب

ريهام : هبــــاب !!! وانا اللي كنت فكرك محترم

سمسمه : اتخـرم !! هو مين ؟؟

ريهام : عاوز اسـبرين ! ليه انت عندك صداع ؟

سمسمه : قراع !!! ينهار اسود . ده مرض خطير

ريهام : لا والله مش عايز. وبعدين مش بأحب الفطير. تقيل على المعدة وتمنه غالي

سمسمه : خالي.. انت تعرف خالي ؟ ده راجل كبير في السن

ريهام : الجن .. نهارك مش فايت ..انت عليك عفريت .!؟

سمسمه : لا والله ..ممعاييش.. انت عايز الكبريت ليه . عايز تولع؟

ريهام : أدلع ! أدلع عليك انت!؟ انت ما تملاش عنيا

سمسمه :يقبضوا عليا !! ليه !؟

ريهام : انت غريب يا راجل انت..شكلك شحات ، (يدفعه من القميص) روح اشتغل شغلة تاكل منها عيش

سمسمه : خيش!! والله ده صوف انجليزي

ريهام : بنتك زيزي!!! ربنا يخلي...

سمسمه: أنتاج محلي .!!!! ده مستورد

يمر شاويش من بتوعنا ... يلفت انتباه الحوار، : بتعمل ايه يا جدع منك له!!!

ريهام وسمسمه: ايوة يا شاويش ...احنا مستنين الأتوبيس

نهاركم مش فايت .... جواسيس !!! قدامي على القسم



هاهاهاهاهاهاهاهاها

 

 

[الرقم الصعب]

ههههههههههههههههههههههههههههههههههه
والشاويش كمان سمعه ثقيل جدأً
هههههههههههههههههههههههههههه

يعطيك العافية اميرة

قمة في السخرية والضحك

يسلمو اميرة

وشكراً لك
الرقم الصعب