شنبك اللى تفاخربه ترى اللى جابته حرمه

[شحنة حب]

\
تصيح تقول يا(حرمه)،تحسب إنك تعايرني!!
شنبك اللي تفاخربه..ترى اللي جابته حرمه



تصدق كذبتك دايم ،، مبادئ حيل تقهرنـي
(نقص عقلك مع دينك)،،ترى مليت هالكلمه


ياجاهل فتح عيونك..ياويلك لو تصاغرنـي
غضب،،تهديد،،وإستلمّه..وسمّه ما تبي سمّه


أنا مليت من ظلمك يا(آدم) وش تصورني!!
أذا إني ناقصه بعينك،،وداعي منتهي الحكمه


تراني ساكته بكيفي ،، نصيحـه لاتفجرنـي
غضب شيطان ماميز ،،مابين الخال والعمـه


عيوبي طيبتي وقلبي..حنان وشوق يجبرني
علي عكسي تجي قاسي وكلن راضي بسلمه


حسافه وقتي الفايت،،تذكّر يـوم تِسهِرنـي
علي قولة انا عاشق وحبك صابني سهمّـه


تذكّر يوم لي تركض ،، تقول يازين آمرنـي
علي سنة رسول الله أشيل الحمـل وآزمّـه


فرحت وقلت هذا اللي أبي في ظلّه يسترنـي
اذا ضاقت بي الدنيا،، مسح دمعاتـي بكمـه


ابي انسى به الدنيا وابي بالحـب يشعرنـي
ابيه يكون لي فرحـه اذا زاد الزمـن همـه


لكن للاسف غلطه وهـم كـذاب . . زاورنـي
جزاتي والثمن عمري..وقتلت بخافقي حلمه



تحياتى