غـــيـــــابـــــــك صـــــعـــــــــب

[فتى القصيم]

غيابك صعب والأصعب وجودك

وأنا في الحالتين أتعب وأعاني

أنا يا ابن الحلال أصعب حكايه

كتبني الوقت..لكن ماقراني

مضى عمري وتقدر تعتبرني

غريب..وفي زمن ماهو زماني

زماني راح مع نصفي..ونصفي

نسى نفسه مع الوقت ونساني

أسافر حزن..والصحبه ثلاثه

أنا..والصبر..وسهيل اليماني

وإذا مريت.. لوقت قضيته

فتحت الصدر للحزن..وطواني

هنا دمعه..جرت من عين جاهل

هنا..لاقيت همي والتقاني

هنا باعتني الديره وأهلها

هنا.. ضحيت لفلان وجفاني::::::

 

 

[وحيده]

كلمات جدا رائعه تسلم أخوي فتى القصيم.....

 

 

[صقر الانبار]

ايش هذا الابداع فتى القصيم الكلمات في غاية الروعة وصح السانك يالغالي على هذا الابداع الرائع وسمح لي ان صفق لك