~*ღ أنا لغيرك ياقلبي وإنتي لغيري ღ*~

[imported_أبو خالد]

بسم الله الرحمن الرحيم


أدري مقصر معاك في محبتنا
وأدري ماتدرين ليه أسباب تقصيري
لو دام حبك ولو دامت علاقتنا
أنا لغيرك ياقلبي وإنتي لغيري
لازم نقّوي على الفرقى عزيمتنا
لو كان بعدك سبب همي وتدميري
عجزت لا أدبر اظروف ٍ تحدتنا
ماقام حظي ولا فادت تدابيري
المجتمع والعوايد غصب حدتنا !
وإلا إنتي اصلاً زيادة خير في خيري
ولو إن قربك خطا يابيض رايتنا
يزيد قدرك غلا من زود تقديري
مادنسك كذب حاسدنا وشامتنا
تبقين ورد العفاف إن زان تفسيري
لكن عزانا على الذكرى وضيقتنا
هذي حقيقه ولا داعي لتبريري
ياغايتي يوم تنهينا نهايتنا
تعالي اخذي من أوجاعي تعابيري
أنا وشعري وصلنا فوق طاقتنا
أحزن وحزني يحبونه جماهيري
وفيت وإنتي وفيتي مير خانتنا
كل التفاكير وأولها تفاكيري
واليوم ندفن بقايا حي ميتنا
ماعاد تحييّ معاذيرك معاذيري
بعيش في سكة الذكرى بدايتنا
وأسير لحلامنا وانتي بعد سيري
تذكريني بياض ٍ ساد نيتنا
تذكريني ولا يألمك .... تأثيري
تذكريني وعيشي في محبتنا
تذكريني فهد صنهات المطيري
مع السلامه خلص واقع حكايتنا
أنا لغيرك ياقلبي وإنتي لغيري
وصلت لآ خر محطه في مسيرتنا
تطّول مشاويرك أو تقصر مشاويري

 

 

[شمعة الجلاس]

يعطيك العافيه بو خالد مع ان كلماتك يحتويها الالم والجرح
تقطع القلب الصراحه
بس ابدعت اخوي
دمت ودام قلمك لنا
فلاتحرمنا جديدك

 

 

[imported_أبو خالد]

الله يعطيك الف عافية

يا غالية


وشاكرك على المرور

 

 

[غلاتي]

بصراحه ابدعت يعطيك الف عافيه
كلمات رائعه وهذا مصير الانسان الفرااق وياليت الفراق مانعرف بها الدنيا
اصعب شئ في الحب اذا كنت تعرف انك بتفارق من تحب
تحياااااااتي
اسفه على الاطاله

 

 

[صقر الانبار]

مشكور اخوي بوخالد على هااااااااااااي الكلمات الجميلة بارك الله فيك ياعسل

قـالوا الفراق غـداً لا شك قـلت لهــــــــــــم بـل مـوت نـفـسـي مـن قـبـل الـفـراق غــداً.


قفي و دعيـنا قبل وشك التفـــــــــــــــرق فمـا أنـا مـن يـحـيـا إلـى حـيـن نـلـتـقـــــــي