امـــــل عمــــــري؟؟

[صقر الانبار]

صحيح انك معي غالي وتملك قلبي ووده ... صحيح انك أمل عمري واحبك حب ماله حدود


وانته الحب تدري به وتعرف جزره ومدَّه ... يفوق الوصف والمعنى وشعري والحروف شهود


ولكن لو تمادى حد منّا ينقلب ضدَّه ... وتتغير موازينه ويصبح شي هِبْ موجود


أنا بَقْدَر على قلبي مع الأيام باردّه ... بسخِّر عزمي وصبري عسى الله يحقق المقصود


ترى ضاقت بي ايامي وصبري قد وصل حدَّه ... انا ملِّيت من نفسي واخاف انه الأمل مفقود


تعب قلبي تعب فكري تعبت وطالت المدّه ... أطالع ظلمةْ مزونك وأتمنّى الربيع يعود


أريد ارض المحل تزهر وأقطف منّها ورده ... واقدِّمها لجل عينك هديَّه والسلام يسود


أريد السعد يبقى لك حليفٍ ثابتٍ وعده ... يضمَّك بالغلا قلبي وتبقى في هنا وسعود


اريد ايامنا تضحك بوقت اللين والشده ... وتتبسَّم ليالينا على ورد وروايح عود


عسى ربِّي يوفِّقنا وباب التفرقه يسدّه ... وتبقى لي أمل عمري واحبك حب ماله حدود

 

 

[•°¤*(¯`° جُـًوٍمٌٍَـآنٍـآ °´¯)*¤°•]

يعطيـــــــك العافيه
كلمات روعه
تقبل مروري

 

 

صح لسانك الله يعطيك العافيه

وننتظر جديدك

 

 

صح لسانك ويعطيك العافيه



وننتظر جديدك

 

 

[اسير الحب]

تسلم حبيبي ياصقر

كلمات رووعة


الف شكررر