[صقر الانبار]

قلبي وقلبك في الهوى متجاوبيـن **أعرف وأظنك يا حياتـي عارف
هذي حقيقه مـا تغيرهـا السنيـن ** ماهي دعاوي أو مشاعـر زائفـه
أشتاق لك و أشعر بإنك تشعر ** باشواق قلبي والمحبـه الجارفـه
وأشعر بحبك وأشتياقك و الحنيـن **مكتوم في صدرك ولكـن شايفـه
أمر الهوى يحكم قلوب العاشقيـن**وقلبي و قلبك تسمعـه و تخالفـه
الكل حالف مـا يبـوح ولا يليـن** وأعصاب صبره في المحبه تالفـه
نخدع بظاهرنا عيـون الناظريـن** وتصلا دواخلنا لهيـب العاطفـه
كني أنا والقلـب جـلاد وسجيـن**وكنك على تعذيب نفسـك حالفـه
المشكلـه إنَّـا بقيـنـا شايلـيـن** رغم الهوى خوف السنين السالفه
من شدة الحرص اللي فينا خايفين**حتى المحبه فـي هوانـا خايفـه
قولة( أحبك / وياحبيبتي) كلمتيـن**من خوفنا فوق الشفايـف واقفـه
نكبح مشاعرنا وتهدا بعض حيـن**وتثور بعض الوقت مثل العاصفه
مدري متى يضحك لنا الحظ اللعين**وتصبح مخاوفنـا مجـرد سالفـه
وإلاّ متى نقوى على مـد اليديـن**وسعد الهوى والحب يوم نصادفه
ونبوح بالأشواق والفرحـه تبيـن**ونقول من فيض المشاعر طايفـه
ما ودي أغضب خالقي والله يمين**والله ولا ودي تكونـي خالـفـه
ما قصدي إنك تجرح وتغدر **ما أرضا بطبعك أي خصله هايفه
وأنا الوفا طبعي واظنك تذكر**الغدر من يومـي وقلبـي عايفـه
لكن قصدي مثل ماانت تقصد**نبني جسور الوصل دايـم نايفـه
جتني رساله منك وإنت ِ تذكر**وليلـه سألتينـي بكلمـه خاطفـه
واليوم أقولك يا ( هوى ) لاتسأل**هذا الجواب اللي فؤادك عارفـه
%%%%%%%%%%%%%%%%%%%%%%%%%%%%%
تنوع الاحساس بوجودكم حوالينا وبطلتكم علينا تحياتي