[صقر الانبار]

متصدكني احبك خايب شبيك...
حته من الشعر تعبت ادييه
احسن حل اشيلك واشمرك فوك
واصيرن كاع الك وترد الييه
وكبل مطيح بية احفرلك حفور
حته انه احضنك تندفن بييه
متصدكني احبك احلف ابيش
وانه الخاطرك صفيتهه النييه
انه اتغيرت مو مثل كبل سنين
الصبح سكران ومضيع المسييه
واثبتلك محبتي تريد الا ثبات ؟
راح انه اذبحك واعمي الاعيون
واخلي الموت يحزن يبجي وياي
ويرد الروح الك يعتذر ممنون
شسويلك بعد أذبحلك الروح
انه اتعبت حيل وصرت مجنون
عله متوني أشيلك وأنت ترتاح
وأخذهن لو ردت انطيك المتون
وعيونك تــــَــضمهن لايحسدوك
هاك عيوني جا شلي بهلعيون
عساني بلانضر فدوه ألك الإبصار
بس أنت الزمني وكلشي ما أريد
هاك جفوفي هاي وأخذ الدلال
كطعني ولك هل من مزيد
صخر أنت شجرالك ارحم إنسان
عاف الكون كله ومدلك الأيد
بيك انه اصبحت مدمن عليك
يعني و بلياك اتخبل أكيد
كانونة ومغذي وبييه اخليك
وادزك تمشي بييه وي الوريد
ما اريدك تحبني حرت وياك
المهم انه لأريدك أنت لتريد