[صديق عمر]

تسولف لي عن الضيقه وانا كلي ألم وأحزان
وانا من وين ما أناظر بعيني شفت ضيقاتي
تسولف لي عن الضيقه وانا عنوان للحرمان
دخيلك لا دخيل الجرح لاتكشف معاناتي

حبيبي لاتشجعني أسولف واكسر الكتمان
تعبت من السكوت اللي تعود يسكن بذاتي

عليم الله ما فيني شبر يضحك فرح وأشجان
وانا لو جيت أبضحك لك أجيك اضحك بدمعآتي

حياتي شعرن وشآعر وجمهوري بقآيآ انسان
ونقآدي زمن قاسي ولايفهم كتاباتي

أناظر للبشر حولي أحد يضحك أحد طربان
وانا صعبن علي أضحك أسآيرهم بضحكاتي
عجزت اكذب على نفسي بفرحه مالها الوان
وحزني ما عجز عني بدا يرسم نهاياتي

طريقي صعب وجروحي كثير وداخلي ضميان
ابي لو يوم واحد أحاول اجمع شتاتي

أنا قصه تبعثرت وتطايرت بزمن خوان
تعلمت أخسر البسمه واداري عضة شفاتي

أبكتب لك بالخط العريض وريشة الفنان
أنا الخسران توقيعي وانا الخسران بصماتي
أكمل لك عن الضيقه أكمل لك عن الأحزان
تأكد لو بكمل لك تصيح وتطلب سكاتي