[أميره]

انا الذي من شوف الاحباب محروم..
والله يكفي شر زلات الاقدام..
قبل امس مع ربعي سواليف وعلوم..
واليوم طاويني هواجيس وهيام..
اضحك ضحى قبل امس وابكي ضحى اليوم..
ما اسرع دورات الليالي والايام..
****
انتظرت من الزمن مثلك هديه..
وجيتني وعطيتك الخافق وداعه...
مرحبا يوم الزمن جابك عليه...
مرحبا والخير في وجهك شعاعه..
ان"رضيت" ارضيت بك نفس رضيه...
وان "زعلت" يضيق بالكون اتساعه..
****
كلمة احبك غاليه بين الاحباب
لاقالها خلي احس بغلاها
اعطش لها دايم وادور لها اسباب
ابيه ينطقها يردد صداها
كن العسل من شفته فوقها ذاب
زود على كلمة احبك حلاها
ياليتني وياه في صفحة كتاب
قصة غراام وكل عاشق قراها
****
على ذاك الجدار اللي على حد البيوت
وقفت وهاجس الذكرى نفض غباره..
وفي ذاك المكان ثبت إن الآدمي من طين
تخيل يوم لمسته تنهّد من شقا ناره..
سألني وقال أنا أذكر تجوني اثنين
بكيت وقلت صدقني رحل وانقطعت أخباره
****
تذكرصاحبك وارجع تقرب له ولو بالصوت
على آخر نفس واقف تجي ولا يجيه الموت
وأشوف الموت أحرص منك وأشوف إنك تبي موته
وأخاف إنك بعد موته تحن وتفتح التابوت
وأخاف من القهر يقفل في وجهك باب تابوته
****
انا وقلبي والزمن والمعاناه
مدري نخون الحب والا نصونه
خلوني اخذ سجة الحب وياه
يتقبل طعوني واتقبل طعونه
اكذب على نفسي اذا قلت بنساه
لاتجرحون الحب لاتجرحونه
تكفون خلوني اباعيش دنياه
والله ماتسوى حياتي بدونه
****
قبل لاروح بسألك سؤالين ورد علي بجواب
وش تستفيد من خيانه من قدملك قلبه بيديه و قالك حافظ عليه
وش تستفيد من جرح قلب هو بالأصل مجروح
وش تستفيد من خيانه انسان كان يحبك و يموت فيك
****
بعض المواقف تجي وتروح ماتبقى...
وبعض المواقف صداها بالعمر باقي
ياصاحبي لامعي تتعب ولاتشقى...
يتبدل الوقت واخلاقي هي اخلاقي
إن جيت"أرحب"واذا ما جيتني"تبقى"...
انت اكثر انسان عزيته من اعماقي.
****
ياصاحبي جعل ربي يخليك
ارفق بقلبي وارحمه ياحياتي
ارحم غريق في غرامك يراعيك
بعدك عذاب وشوف زولك غناتي
بين العرب هواجس القلب تطريك
وماظن ينسى من يسوي سواتي
متعلق قلبي بحبك ويغليك
وعسى غلاكم مايسبب وفاتي
****
اجمل زمن في ظل حبك قضيته
واحلى قصيده قلتها فيك ولهان
العين تهوى كل درب مشيته
والرجل تاطي لك شعوب ووديان
حبك هواي لي في الحياة ارتجيته
وعرفت في قربك غلا كلمة انسان
****
حالي ترى بفراقكم صار ماهو حال
والعين ملت من بعدكم نظرها
مرت علينا ايام اجيال اجيال
وروحي عليكم ذايبه من قهرها
مليت انا نفسي ومليت هالحال
وبعدك ترا هالحال كلن دمرها
****
هلت دموع العين عند الوداع
وارسلت دموعها شوق وحنين
قال ودع مايفيد الامتناع
الشقي مقسوم مير الله يعين
ياحسايف وقتنا والعمر ضاع
نجتمع يومين والفرقا سنين
****
قبل اتصالك تجي لهاتفي حاله
يهتز لو ميزة الهزاز ملغيه
يتنهّد من الفرح ويسوق مواله
وتظهر على شاشته العاب ناريه
غلطان من يعرفك ويصك جواله
المفروض تحسب عليه رسوم اضافيه
****
ياللي كتبتي من دم القلب حبّك
الله حسيبك كيف هان ومحيتيه
يا هاجرة ما خفتي الله ربك
في قلبي اللي طول عمرك ملكتيه
****
ياللي تناسيتي حياتي بقربك
انا القتيل اللي بكفك قتلتيه
ساقي تعب يمشي على طول دربك
يتبع سراب في طريقك رسمتيه
شفت النحل وشلون يبني خليه
مثله بنيت بداخل القلب لك بيت
ياللي سكنت القلب عن طيب نيه
ماني سعيد القلب لامن تخليت
الحب نيه والنوايا مطيه
ومن مدلي فنجان حبه تقهويته!!